ભૂજ / કચ્છમાં ટ્રક, બાઇક અને છકડા વચ્ચે અકસ્માત, 11 લોકોનાં મોત

કચ્છ નજીક ત્રિપલ અકસ્માતમાં 11નાં મોત થયા છે. આ અકસ્માતમાં મૃત્યુઆંક વધીને 11 પર પહોચ્યો છે. ટ્રક, બાઈક અને છકડા વચ્ચે અકસ્માત થયો છે. ભૂજના માનકુવા - સામત્રા રોડ પર આ ઘટના બની હતી. પોલીસે ઘટનાસ્થળે પહોંચીને કાર્યવાહી હાથધરી છે. આ અકસ્માતને પગલે વાહનવ્યવહારને અસર થઇ હતી. આ અકસ્માતમાં અન્ય ઈજાગ્રસ્તોને હોસ્પિટલ ખસેડવામાં આવ્યા છે.

અકસ્માત સર્જાતા સમગ્ર પંથકમાં ચકચાર મચી જવા પામી છે. આ ઘટનાની જાણ થતા પોલીસકર્મીઓ ઘટનાસ્થળે દોડી આવ્યા હતા. પોલીસે મૃતદેહને પીએમ માટે મોકલીને વધુ તપાસ હાથધરી છે.

અકસ્માત ભૂજના માનકુવા પાસે થયો હતો. જેમાં 3 વાહનો વચ્ચે ગમખ્વાર અકસ્માત થયો હતો. જેમાં 11 લોકોનાં મોત જ્યારે અન્ય કેટલાક લોકો ઇજાગ્રસ્ત થયા છે. પ્રાથમિક માહિતી અનુસાર, ટ્રક માતાના મઢ તરફ જઇ રહ્યો હતો ત્યારે સામે આવી રહેલી રીક્ષા તેમજ બાઇક સાથે અકસ્માત થયો. આ અકસ્માત બાદ ટ્રકનો ચાલક ફરાર થઇ ગયો છે.

જો કે આ ગમખ્વાર અકસ્માતના પગલે ટ્રાફિક જામના દ્રશ્યો જોવા મળ્યા હતાં. જો કે અકસ્માતમાં રીક્ષા અને બાઇક પરના સવાર મૃત્યુ પામ્યા હોવાના અહેવાલ પ્રાપ્ત થયા છે.