કચ્છ / જિલ્લા ટ્રાફિક પોલીસ છે ગાઢ નિંદ્રામાં, મોતની મુસાફરીના દ્રશ્યો આવ્યા સામે

કચ્છમાં મોતની મુસાફરીના દ્રશ્યો સામે આવ્યા છે. ભુજમાં જીવના જોખમે વિદ્યાર્થીઓ વાહનોમાં મુસાફરી કરી રહ્યા છે. શાળાએ જવા માટે વિદ્યાર્થીઓ વાહનમાં લટકીને મુસાફરી કરી રહ્યા છે.  સરકારી બસનો અભાવ ગણીએ કે પછી ટ્રાફિક પોલીસની મોટી બેદરકારી. પણ શું આવી રીતે વિદ્યાર્થીઓ ભણશે. તંત્રની રહેમ નજર હેઠળ આ ખાનગી વાહનો ધમધમી રહ્યા છે. તો બીજી બાજુ સરકારી બસ ટાઈમસર ન મળતાં પણ આ પરિસ્થિતિ ઉદ્ભવી રહી છે. પણ જો આ વિદ્યાર્થીઓ સાથે કોઈ જાનહાનિ થાય અને દુર્ઘટના સર્જાય તો જવાબદારી કોણ લેશે. અને દુર્ઘટના ઘટ્યા બાદ જ હંમેશા તંત્રની ઉંઘ ઉડે છે. અને ત્યાર બાદ અચાનક ઉંઘમાંથી જાગેલું તંત્ર કાર્યવાહી કરવાનો ખોટો દેખાડો કરશે. જેવી રીતે અમદાવાદમાં સ્કૂલ વાનમાંથી બાળકો પડી ગયા બાદ થઈ રહ્યું છે.