લો બોલો! / કચ્છનો તલાટી જેલમાં માથા પછાડી જખમી થયો આરોપ મૂક્યો પોલીસ ઉપર, CCTV કેમેરાએ ભાંડો ફોડ્યો

• કચ્છના ફરાદી ગામે તલાટીને પોલીસે માર માર્યાનો આક્ષેપ
• પોલીસે લોંખડની પાઈપથી માર માર્યાનો આક્ષેપ
• કેમ પોલીસ સ્ટેશન આવ્યો હતો તલાટી

તલાટીએ પોલીસ સ્ટેશનમાં જવાનો સાથે માથાકૂટ કરી હતી. તલાટીએ જાતે લોકઅપના સળિયામાં માથું પછાડી પછાડીને પોલીસ માર મારી રહી હોવાનો હાઉ ઉભો કર્યો હતો. આ તમામ ઘટના પોલીસ સ્ટેશનના CCTV કેમેરામાં કેદ થઈ ગઈ હતી. 

શું લગાવ્યા પોલીસ પર આક્ષેપ?

પોલીસે મને પોલીસ સ્ટેશન બોલાવીને માર માર્યો. પોલીસે લોખંડની પાઈપથી મને ફટકાર્યો. વગેરે જેવા આક્ષેપો પોલીસ ઉપર મૂકીને કાનૂનને ગૂમરાહ કરવાની કોશિશ કરનાર તલાટીનો ભાંડો CCTV ફૂટેજે ફોડી નાંખ્યો હતો. 

કેમ પોલીસ સ્ટેશન આવ્યો હતો તલાટી

ખનિજચોરી અંગે પોલીસે તલાટીને નિવેદન માટે બોલાવ્યા હતો ત્યારે નિવેદનની જગ્યાએ તલાટીએ આ હંગામો કરી મૂક્યો હતો. પોલીસની કામગીરીમાં અવરોધથી તલાટી સામે ફરિયાદ નોંધાશે. 

સળગતા સવાલ

શું તલાટી ખનીજચોરીથી બચવાનો પ્રયાસ કરે છે?
આ પ્રકારના તલાટી સામે તંત્ર કેમ કાર્યવાહી નથી કરતુ?
પોલીસને ફસાવવાનો તલાટીનો પ્રયાસ કરતો હતો?
આવા લોકોના સેવકોને સસ્પેન્ડ કેમ કરાતા નથી?
સરકારી અધિકારી પોલીસને કેમ સહકાર આપતા નથી?
પોલીસ કાર્યવાહીમાં તલાટીને શું વાંધો પડ્યો હતો?
ખનીજ ચોરી મામલે તલાટીની પણ સંડોવણી છે?