કચ્છની ખાવડા બોર્ડર પરથી પાકિસ્તાની ઘુસણખોર ઝડપાયો છે. BSFએ પેટ્રોલિંગ દરમિયાન એક પાકિસ્તાની શખ્સને ઝડપી લીધો છે. હાલ પાકિસ્તાની શખ્સને ઝડપીને પૂછપરછ હાથ ધરવામાં આવી છે.
મહત્વનું છે કે ભારત અને પાકિસ્તાન વચ્ચે ચાલી રહેલી તણાવપૂર્ણ સ્થિતિના કારણે BSF દ્વારા બોર્ડર પર પેટ્રોલિંગ વધારવામાં આવ્યું છે. ત્યારે આ પેટ્રોલિંગ દરમિયાન જ પાકિસ્તાની શખ્સ ઘુસણખોરી કરતાં ઝડપાયો છે.
પાકિસ્તાન વાત કરતા 2 યુવકોની તાજેતરમાં કરાઇ છે ધરપકડ
જમ્મૂ કશ્મીરના પુલવામામાં થયેલ આતંકવાદી હુમલા બાદ એજન્સીઓ સતર્ક થઈ છે. દેશની બોર્ડરો પર પોલીસ દ્વારા ચેકિંગ કરવામાં આવી રહ્યુ છે. એલર્ટ વચ્ચે SOGએ કચ્છના નખત્રાણાના બે યુવાનો ધરપકડ કરી છે.
આ બન્ને યુવકો પાકિસ્તાનમાં વાત કરી રહ્યા હતા. આ દરમિયાન SOGએ ધરપકડ કરી છે. યુવકોની પ્રાથમિક તપાસમાં SOGને કઈ શંકાસ્પદ મળી આવ્યું નથી. ત્યારે હવે પોલીસ દ્વારા તપાસ કર્યા બાદ સત્તાવાર ખુલાસો કરવામાં આવશે.
ચાઇનીઝ ભાષાના લખાણ સાથે મળી આવ્યું કબૂતર
ઉલ્લેખનીય છે કે, ભુજ નજીક શેખપીર ત્રણ રસ્તા પાસેથી ચાઈનીઝ ભાષાના લખાણ સાથે કબૂતર ઝડપાયું છે. કબૂતરના બન્ને પગમાં ચાઈનીઝ ભાષામાં રિંગ બાંધેલી હતી. આ અંગે એક દુકાનદારને જાણ થઈ હતી.
જેથી તેને પોલીસને જાણ કરતાં ભુજ બી ડિવિઝન પોલીસ અને પશ્ચિમ કચ્છ SOG પણ દોડતી થઈ ગઈ હતી. ત્યારબાદ કબૂતરને પકડી લેવામાં આવ્યું હતું. જેની પ્રાથમિક તપાસમાં સામે આવ્યું કે કબૂતરનો ચીનમાં બર્ડ રેસિંગમાં ઉપયોગ કરવામાં આવે છે. આ પ્રકારના પ્રજાતિના કબૂતર ચીનમાં માંડ 20 ટકા જેટલા બચ્યા છે.
કબૂતરની ભુજમાં સરકારી વેટરનરી તબીબ પાસે પણ ચકાસણી કરવામાં આવી છે. તેના બંને પગે બાંધેલી રીંગના આંકડા અને ચાઈનીઝ લખાણ લખેલું હતું. જેને લઇને પોલીસ દ્વારા ઈન્ટરનેટ પર તપાસ કરતાં જાણવા મળ્યું છે કે આ પ્રજાતિના કબૂતર ચીનમાં માંડ 20 ટકા જેટલાં બચ્યાં છે. આ કબૂતરનો ઉપયોગ બર્ડ રેસીંગમાં થાય છે.
પુલવામામાં હુમલા બાદ ગુજરાતમાં હાઇએલર્ટ
પુલવામામાં થયેલા આતંકી હુમલા બાદ ગુજરાતમાં પણ હવે એલર્ટ જાહેર કરાયું છે. એટીએસને મળેલા એક ઈમેલ બાદ હવે ગુજરાતને પણ એલર્ટ કરાયું છે. સ્ટેચ્યુ ઓફ યુનિટી સહિત મહાત્મા મંદિર અને રેલવે સુરક્ષમામાં ચુસ્તબંદોબસ્ત ખડકી દેવામાં આવ્યો છે. એટીએસને મેળેલા ઈનપુટમાં આતંકીઓ સ્ટેચ્યૂ ઓફ યુનિટીને ટાર્ગેટ કરી શકે છે.