કચ્છ / હાજીપીરમાં NDRFની ટીમે કર્યું રેસ્કયું, બાળકીને વ્હાલ કરતાં સર્જાયાં લાગણીસભર દ્રશ્યો

આ સંયુક્ત ટીમ દ્વારા 319 લોકોનું રેસ્કયું કરવામાં આવ્યું. કચ્છમાં પડેલા મુશળધાર વરસાદના પગલે હાજીપીર ગામ બેટમાં ફેરવાઇ ગયું છે. હાજીપીરમાં 10 ઇંચ વરસાદ પડ્યો. જો કે એનડીઆરએફની ટીમ દ્વારા એક નાની બાળકીનું રેસ્કયું કરવામાં આવ્યું. જેમાં એનડીઆરએફની ટીમના સભ્યો બાળકીને એક માતાની જેમ વહાલ કરતાં જોવા મળ્યાં જેને લઇને લાગણીસભર દ્રશ્યો ઉભા થયા હતા. 

જ્યારે બીજી તરફ કચ્છના નલિયામાં ભારે વરસાદ બાદ પૂર જેવી સ્થિતિ સર્જાય છે. નલિયાના મફતનગર વિસ્તારમાં નદીના પાણી ફરી વળ્યાં છે. 200થી વધુ લોકોનું સ્થળાંતર કરવામાં આવ્યું છે. લોકોના ઘરમાં પાણી ફરી વળ્યાં છે. 

કચ્છમાં પડી રહેલા ભારે વરસાદના કારણે અબડાસામાં વરસાદથી બીટા નજીક રોડનું ધોવાણ થઇ ગયું છે. તેરા-બીટાથી નખત્રાણાને જોડતા રસ્તાનું ધોવાણ થતાં લોકોને ભારે હાલાકીની સામનો કરવો પડી રહ્યો છે. બીટાની નદીમાં વહેણ આવતા નદી પરના પુલનું ધોવાણ થઇ ગયું છે.