કચ્છ-મધ્ય ગુજરાતમાં કમોસમી વરસાદી ઝાપટા ઉનાળે ઠંડકનો અહેસાસ

કચ્છ જિલ્લાના કેટલાક વિસ્તારમાં કમોસમી વરસાદ પડયો હતો. વાગડ સહિતના કેટલાક પંથકમાં કમોસની વરસાદની સાથે ભારે પવન અને ગાજવીજનો માહોલ જોવા મળ્યો હતો. કચ્છના ગાગોદર પંલાસવા કિડિયાનગરમાં ભારે પવન સાથે વરસાદી ઝાપટા પડતા લોકોને ગરમીમાંથી આંશિક રાહત મળી હતી.  

ઉલ્લેખનીય છે કે આ સાથે આણંદ જિલ્લાના અનેક વિસ્તારોમાં વરસાદી માહોલ જોવા મળ્યો આણંદના તારાપુર પેટલાદમાં હળવો વરસાદ થયો હતો તો બીજી તરફ ખંભાતમાં પણ વરસાદી ઝાપટા પડયા હતા. કમોસમી વરસાદ પડવાને કારણે જગતના તાતમાં ચિંતાનું મોજુ ફરી વળ્યું હતું.

આપને જણાવી દઇએ કે આ પહેલા પણ થોડા સમય પહેલા રાજ્યના વાતાવરણમાં અચાનક પલટો જોવા મળ્યો હતો અને ઉત્તર ગુજરાત અને સૌરાષ્ટ્રના કેટલાક વિસ્તારોમાં વરસાદી ઝાપટા પડ્યા હતા. આમ અચાનક વરસાદ પડતા અતિગરમીના માહોલમાં ઠંડક પ્રસરી હતી અને લોકોએ હાશકારો અનુભવ્યો હતો જો કે ખેડૂતોને પાક અંગે ચિંતા જાગી હતી.