દૂર્ઘટના / કચ્છમાં નવા નીરની વધામણાં વખતે ભાજપના ધારાસભ્યની હાજરીમાં યુવાન ડુબ્યો

• કચ્છના મુન્દ્રામાં તળાવમાં એક વ્યક્તિ ડૂબ્યો
• ધારાસભ્યની હાજરીમાં યુવાન ડૂબ્યો
• તળાવના વધામણાં સમય નાળિયેર લેવા ગયેલ યુવાન ડૂબ્યો

કોંગ્રેસે કહ્યું કે કોરોના કાળમાં ભાજપે ભીડ એકત્રિત કરી તાયફા કર્યા છે. તો મૃતકના પરિવારને 10 લાખની સહાયની માગ કરવામાં આવી છે. મુંદ્રામાં તળામાં એક વ્યક્તિ ધારાસભ્યની હાજરીમાં ડૂબ્યો હતો. તળાવના વધામણાં સમયે નાળિયેર લેવા ગયેલો યુવાન ડૂબ્યો હતો.

સારા ચોમાસાંને કારણે કચ્છનાં જળાશયોમાં નવા નીર આવ્યા છે. મુન્દ્રામાં મેઘરાજાએ મહેરને કારણે જેરામસર તળાવ છલકાઈ ગયુ હતું. જેને પગલે વર્ષોથી ચાલી આવતી પરંપરાને ધ્યાનમાં રાખીને માંડવી વિધાનસભા બેઠકના ધારાસભ્ય વિરેન્દ્રસિંહ જાડેજાની આગેવાની હેઠળ તળાવ વધાવવાનો કાર્યક્રમ રાખવામાં આવ્યો હતો. તળાવમાં આવેલા નવા પાણીની પૂજા બાદ તેમાં શ્રીફળ ફેંકવામાં આવ્યું હતું. જેને લેવા માટે સ્થાનિક યુવાનો તળાવમાં પડ્યા હતા. જેમાં એક યુવાન પાણીમાં ડૂબી ગયો હતો. યુવાનને શોધવા માટે તંત્ર અને પોલીસ દવારા કામગીરી કરવામાં આવી છે. પરંતુ હજુ સુધી યુવાનના કોઈ સમાચાર મળ્યા નથી.

જુઓ વીડિયો કેવી રીતે ડુબ્યો યુવાન?

માંડવીના મુખ્ય માર્ગનો કોઝ-વે ધોવાયો