કચ્છના અંજારમાં યુવતી પર પિતાએ દુષ્કર્મ આચરવાની ઘટના સામે આવી છે. પિતાએ જ દીકરી પર દુષ્કર્મ આચરતા યુવતીની માતાએ અંજાર પોલીસ સ્ટેશનમાં ફરિયાદ નોંધાવી છે. માતાની ફરિયાદ બાદ અંજાર પોલીસે આરોપી પિતાની ધરપકડ કરીને આગળની કાર્યવાહી હાથધરી છે.
આ ઘટના મામલે મળતી જાણકારી અનુસાર અંજારના ચંપક મિલ વિસ્તાર નજીક રહેતા એક આધેડ વયની ઉંમરના અને મજૂરી કરતા પિતાએ પોતાની દીકરીને જ પીંખી નાંખી હતી. આવા બનાવ અંગેની જાણ પોલીસ મથકે જાણ થતાં પોલીસે ગુનો નોંધીને કાયદેસરની કાર્યવાહી હાથ ધરી છે.
પોલીસ આ મામલે જાણકારી આપતાં જણાવ્યું હતું કે 19 વર્ષીય દીકરી પર ગત 11/9ના રાત્રે એકલી હતી ત્યારે તેની એકલતાનો લાભ લઇને આ શખ્સે બળાત્કારના બનાવને અંજામ આપ્યો હતો.
બાદમાં આ વાત કોઇને કહીશ તો જાનથી મારી નાખવાની ધમકી પોતાની દીકરીને આપી હતી. જો કે આ મામલાની જાણ નજીક પોલીસ મથકે કરતા પોલીસે કાર્યવાહી હાથ ધરી હતી.