કચ્છમાં આયોજિત અશ્વરેસનો વીડિયો થયો વાયરલ, વીજ થાંભલા સાથે ટકારાતા અશ્વ સવારનું મોત
કચ્છમાં અશ્વરેસનો વીડિયો વાયરલ
વીજપોલ સાથે ટકરાતા ઘોડેસવારનું મોત
વીડિયો સોશિયલ મીડિયામાં વાયરલ
ઘોડેસવારી ખૂબ જૂની રમત છે અને ખાસ કરીને ઇંગ્લૅન્ડ, આયર્લૅન્ડ, ઑસ્ટ્રેલિયા તથા ફ્રાન્સમાં તે ખૂબ લોકપ્રિય છે. તે સિવાય જર્મની, ઇટાલી, અમેરિકા, આર્જેન્ટિના, રશિયા, જાપાન, ભારત, પાકિસ્તાન વગેરે દેશોમાં પણ તેનો સારો પ્રચાર છે. રેસના ઘોડાને ખાસ સાર સંભાળ રાખીને ઉછેરવામાં આવે છે. ત્યારે ગુજરાતના કચ્છમાં ઘોડેસવારી દરમિયાન એક દુઃખદ ઘટના બની હતી. જેનો વીડિયો સોશિયલ મીડિયામાં વાયરલ થયો છે.
વીડિયો સોશિયલ મીડિયામાં વાયરલ
સોશિયલ મીડિયામાં એક અશ્વ રેસનો વીડિયો વાયરલ થયો છે. જેમાં કેટલાક અશ્વસવારો અશ્વને દોડાવી રહ્યા છે.. કોઈ ફિલ્મી દ્રશ્ય જેવા લાગતા આ દ્રશ્યમાં અશ્વ ભાગી રહ્યા છે.. ધૂળ ઉડી રહી છે.. તેવામાં એક અશ્વસવાર યુવક વીજ પોલ સાથે ટકરાય છે.. ત્યાર બાદ યુવક નીચે પટકાય છે.. ઘોડેસવાર યુવકનું નામ રાજદીપસિંહ જાડેજા હોવાનું સામે આવ્યું છે.
વીજપોલ સાથે ટકરાયો યુવક
કચ્છમાં અશ્વરેસનું આયોજન કરવામાં આવ્યુ હતું. માંડવીના ત્રગડી ગામના કેટલાક યુવાનોએ આ રેસનું આયોજન કર્યુ હતું જે દરમિયાન આ ઘટના બની હતી. આ વીડિયોમાં જોઇ શકાય છે કે પૂરપાટે ઝડપી ઘોડા દોડી રહ્યા છે. દરેક યુવકો જીતની રેસમાં લાગી ગયા છે. કોઇને ખબર જ નથી કે પાછળ શું થઇ રહ્યુ છે બસ જીતની રેસમાં જ પૂરપાટ આગળ વધી રહ્યા છે. ધૂળની ડમરીઓ ઉડી રહી છે. વાતાવરણ ધૂંધળુ જણાઇ રહ્યું છે. તેવામાં જ એક ધોડેસવાર પૂરપાટ આવી રહ્યો છે અને વીજ પોલને ટકરાય છે. પરિણામે ઘોડેસવારનું મોત નીપજ્યું છે. જે સમગ્ર ઘટના સીસીટીવીમાં કેદ થતા વીડિયો સોશિયલ મીડિયામાં ઘણો વાયરલ થયો છે.