ગુજરાતમાં પડી રહેલા સાર્વત્રિક વરસાદના પગલે સૌરાષ્ટ્ર સહિત કચ્છમાં અવરિત વરસાદ જોવા મળ્યો છે. ત્યારે રાજ્યના રણ વિસ્તાર ગણાતાં કચ્છમાં આ વર્ષે ભારે વરસાદના પગલે ઝરણાં વહેતા થયા છે અને પ્રકૃતિ સોળે કળાએ ખીલી ઉઠી છે. જો કે ભારે વરસાદના પગલે કચ્છના અનેક રસ્તાઓનું ધોવાણ થઇ ગયું છે. કચ્છમાં હાઇવે પર પાણી ફરી વળતાં વાહનચાલકો મુશ્કેલીમાં મુકાયા છે.
કચ્છમાં વરસાદ બાદ ખીલી ઉઠ્યું કુદરતી સોંદર્ય
ભુજના હમીરસર તળાવમાં આવ્યા નવા નીર
મોટી ચીરઈ નેશનલ હાઈવે નંબર 8 પર ફરી વળ્યા પાણી
કચ્છમાં મોટાબંધમાં સર્જાયા ધોધના રમણીય દ્રશ્યો
કચ્છમાં ભારે વરસાદના પગલે પ્રકૃતિ સોળે કળાએ ખીલી ઉઠી છે. ભારે વરસાદના કારણે ઝરણાઓ વહેતા થયા છે. મોટાબંધમાં ધોધના રમણીય દ્રશ્યો સર્જાયા છે. ઝરણા-ધોધ વહેતા થતા અદભૂત નજારો જોવા મળી રહ્યો છે.
લખપત નજીક માણકાવાંઢનો કુંડી ધોધ થયો વહેતો
કચ્છમાં પડી રહેલા અવિરત વરસાદના પગલે કુદરતી સૌંદર્ય ખીલી ઉઠ્યું છે. લખપત નજીક માણકાવાંઢનો કુંડી ધોધ વહેતો થયો છે. ધોધની મજા માણવા લોકો પહોંચી ગયા છે.
પૂર્વ કચ્છમાં હાઈવે પર ફરી વળ્યા પાણી
કચ્છમાં પડી રહેલા ધોધમાર વરસાદના પગલે રસ્તાઓનું ધોવાણ થઇ રહ્યું છે. પૂર્વ કચ્છમાં હાઇવે પર પાણી ફરી વળ્યાં છે. મોટી ચીરઇ નેશનલ હાઇવે નંબર 8 પર પાણી ફરી વળ્યાં છે. જેને લઇને વાહનચાલકો મુશ્કેલીમાં મુકાયાં છે.
ભુજના હમીરસર તળાવમાં આવ્યા નવા નીર
ગુજરાતમાં આગામી 48 કલાક ભારે વરસાદની આગાહી આપવામાં આવી છે. ત્યારે હાલ રાજ્યમાં સાર્વત્રિક વરસાદ વરસી રહ્યો છે. જેમાં કચ્છમાં પણ મેઘમહેર જોવા મળી છે. જેને લઇને ભુજના હમીસર તળાવમાં નવા નીર જોવા મળ્યાં છે. ભુજ અને આસપાસના ગ્રામ્ય વિસ્તારોમાં વરસાદ પડ્યો છે.
ભુજ પંથકમાં સારો વરસાદ વરસ્યો છે. જેમાં ભુજ શહેરમાં પણ વરસાદ માહોલ વચ્ચે જુના બસ સ્ટેડ વિસ્તાર બેટમાં ફેરવાયો છે. રસ્તા પર ઠેર-ઠેર પાણી ભરાયાં છે.