કચ્છ: ભચાઉ તાલુકાના મોટી ચિરાઈ ખાતે મહિલાઓ માટે ઉદ્યોગ કરવાના હેતુથી કુંવર ઇન્ડસ્ટ્રીઝ પ્રાઇવેટ લીમીટેડ કંપની ઝડપથી શરૂ થાય તેમજ આ તેના પર લગાવેલો ગેરકાયદેસર રકમ ભરવાની છે તે દુર કરવાની ઉગ્ર માંગ મુખ્યમંત્રીને લેખિતમાં રજૂઆત કરવામાં આવી છે. વર્ષ 2001 માં આવેલા વિનાશક ભૂકંપમાં કચ્છમાં ભારે નુકશાન થયું હતું ત્યારે તે વખતના મુખ્યમંત્રીએ કચ્છને ફરીથી ધબકતું કરવામાં માટે મોટા-મોટા ઉદ્યોગોને જમીન ફ્રીમાં આપીને એક સરાહનીય પ્રયાસ નરેન્દ્ર મોદી દ્વારા કરવામાં આવ્યો હતો.
પરંતુ રાજય સરકારના GIDC ડીપાર્ટમેન્ટના અધિકારીઓના અણધણ વહીવટનો એક ઇસ્સો સામે આવ્યો છે. આ પ્રાઇવેટ કંપનીને 41 લાખ 37 હજાર ભરવાના હુકમ હોવા છતાં આ કંપનીને 5 કરોડ 6 લાખ રૂપિયા જેટલી માતબર રકમ એક સાથે ભરવાનું કહી કંપનીનું કામ અટકેલુ જોવા મળે છે. હકીકતમાં વર્ષ 2006થી આ જમીન સંપાદન થયેલી છે. ઉપરાંત કુલ ભરપાઈની રકમમાંથી 70 ટકા જેટલી રકમ ભરપાઈ કરેલી હોવા છતાં હજુ સુધી આ જમીન પર મહિલા ઉદ્યોગ શરુ કરવામાં આવ્યો નથી.
રાજ્ય સરકાર દ્વારા વાયબ્રન્ટ ગુજરાત જેવા સમારોહ યોજી દેશ તથા વિદેશી ઉદ્યોગોને સ્થાપવાના આયોજન કરવામાં આવે છે જેથી સ્થાનિકોને રોજગાર મળે. પરંતુ કચ્છના મોટી ચિરાઈની GIDCમાં વર્ષ 2014માં 70 ટકા જેટલી રકમ ભરી નાખ્યા બાદ પણ અહીના ઉદ્યોગકારોને જમીનનો કબજો ન સોંપાતા અહીના ઉદ્યોગકારો મુશ્કેલીમાં મુકાયા છે.