ગાંધીધામમાં હેરોઈન પકડાવાનો મામલો મહત્વનું ખુલાસો સામે આવ્યો છે, ઈરાનથી કન્ટેનરમાં આ હિરોઈન આવ્યું હતું. જે પંજાબ અને મુંબઈ(મહારાષ્ટ્ર)માં મોકલવાનો પ્લાન હતો
ગાંધીધામમાં હેરોઈન પકડાવાનો મામલો
અત્યાર સુધીમાં 1300 કરોડનું હેરોઈન પકડાયું
હજુ પણ હેરોઈનના જથ્થાનો આંક વધી શકે છે
ગુજરાતના દરિયાનો ફરી એકવાર ડ્રગ્સની ઘુસણખોરી માટે ઉપયોગ થયો છે.. પહેલા મુદ્રા પોર્ટ પરથી અને હવે કંડલા પોર્ટની નજીક ગાંધીધામ વિસ્તારમાંથી કરોડો રૂપિયાનું ડ્રગ્સ ફરી ઝડપાયું છે.એવું લાગે છે કે, ભારતમાં ડ્રગ્સ ઘુસાડવા માટે ગુજરાતનો દરિયો મુખ્ય કેન્દ્ર બની ગયો છે. ત્યારે કંડલા પોર્ટ પરથી હેરોઇન જથ્થો પકડવાનો મામલે ગુજરાત ATSની અને DRIની સંયુક્ત તપાસનો ધમધમાટ શરૂ થઈ ગયો છે.અત્યાર સુધીની તપાસમાં 260 કિલો હેરોઈનનો જથ્થો કબ્જે કરાયો છે.જેની કિંમત 1300 કરોડ આંકવામાં આવી રહી છે.બજાર એક કિલો હેરોઈન 5 કરોડની કિંમતે વેચાય છે.
પંજાબ અને મુંબઈમાં સપ્લાઈ થવાનું હતું ડ્રગ્સ
તપાસમાં હજુ પણ જથ્થો વધી શકે છે.અત્યાર સુધીની તપાસમાંથી મળતી માહિતી મુજબ હેરોઈનથી ભરેલુ કન્ટેનર ઈરાનથી આવ્યું હતુ.જેમાં ગુજરાતમાં ડ્રગ્સનુ કન્સાઈમેન્ટ અનલોડ કરીને ડ્રગ્સના જથ્થાને પંજાબ અને મુંબઈ મોકલવાનું હતુ.પંજાબ અને મુંબઈમાં હેરોઈનનું વેચાણ સૌથી વધુ થતુ હોવાનો પણ તપાસમાં ઘટસ્ફોટ થયો છે.ડ્રગ્સથી ભરેલા કન્ટેનરના કન્સાઈમેન્ટને લઈને કસ્ટમ વિભાગની ભૂમિકા ઉપર પણ શંકા વ્યક્ત કરાઈ રહી છે.
જીપ્સમની આડમાં હિરોઈન અંદર ઘૂસાડવામાં આવ્યું
ઈરાનથી ડ્રગ્સ ભરેલુ કન્સાઈનમેન્ટ અહીં ઘૂસાડવામાં આવ્યું હતું. 20થી 25 જેટલા જીપ્સમ ભરેલા કન્ટેનરમાં છૂપી રીતે જીપ્સમની આડમાં આ હિરોઈનનો જથ્થો ગુજરાતમાં લાવવામાં આવ્યો હતો.બાતમી આધારે ગુજરાત ATSએ તપાસ આરંભી હતી. મહત્વનું છે કે પાકિસ્તાન-પંજાબ સરહદ પર ફેનસિંગ થતા ગુજરાતમાં જથ્થો લવાયો હતો. પંજાબ, મુંબઈમાં હેરોઇનનું સૌથી વધુ વેચાણ થતું હોવાનો અત્યાર સુધીની તપાસમાં ખુલાસો થયો છે.
એટીએસની બાતમી અને તપાસ કરશે DRI
એટીએસની બાતમીના આધારે ડ્રગ્સ ઝડપાયું છે. આ બાબતની તપાસ ડીઆરઆઇએ લઇ લીધી છે. ખાસ સૂત્રોના જણાવ્યા અનુસાર 250 કિલો ડ્રગ્સ થોડા દિવસો પહેલાં નહીં, પરંતુ અંદાજિત છ મહિના પહેલાં આવ્યું હતું. ડ્રગ્સના કન્ટેનરને ચેક કર્યા વગર તેને બારોબાર કન્ટેનર ફ્રેઇટ સ્ટેશનમાં મોકલી દેવાયું હતું. આ ઘટનામાં કેટલાક કસ્ટમના ભ્રષ્ટ અધિકારીઓની સંડોવણી સામે આવે તેવી શક્યતા છે, જેના કારણે આ કેસની તપાસ હવે ડીઆરઆઇ કરશે.એટીએસના ડીવાયએસપી બી.પી. રોજિયાએ જણાવ્યું છે કે ડ્રગ્સ કેસની તપાસ ડીઆરઆઇ કરી રહ્યું છે, જેથી એટીએસ કોઇ માહિતી નહીં આપી શકે. ડીઆરઆઇ હાલ ડ્રગ્સ મામલે કાર્યવાહી કરી રહી છે.
ડ્રગ્સ ઘૂસાડવા ગુજરાતના દરિયો એપી સેન્ટર છતાંય છટકબારી કેમ?
ડ્રગ્સ માફિયાઓની મોડસ ઓપરેન્ડીની ખબર પડી ગઇ હોવા છતાંય કન્ટેનર ફ્રેઇટ સ્ટેશનમાં આ ડ્રગ્સ કેવી રીતે પહોંચ્યું. એજન્સીઓને શંકા છે કે ડ્રગ્સથી ભરેલા આવાં ઘણાં કન્ટેનર હોઈ શકે છે. હાલમાં તપાસ ચાલી રહી છે. મહત્ત્વનું એ છે કે રો-ડ્રગ્સ અફઘાનિસ્તાન અને ઇરાન મારફતે ભારત લાવવામાં આવતું હોય છે. ત્યારબાદ બીજા દેશોમાં મોકલવામાં આવતું હોય છે. અગાઉ પણ ઝડપાયેલા ડ્રગ્સના મોટા જથ્થાને પણ આ રીતે જ લાવવામાં આવ્યો હતો, તેની ખપત ભારતમાં થવાની ન હતી.