પ્લાયવુડની દુકાનમાં ભીષણ આગ લાગતા મચી દોડધામ લાખોનો માલ થયો બળીને ખાખ

કચ્છના ભચાઉના ચોપડવા નજીક ભીષણ આગ લાગતા અફરા તફરીનો માહોલ સર્જાયો. ચોપડવા નજીક આવેલા રંગોલી પ્લાયવુડમાં આગ લાગી હતી. મોડી રાતે આગ ફાટી નીકળતા અફરા તફરી સર્જાઈ.

આગની જાણ ફાયર વિભાગને કરવામાં આવતા ફાયર વિભાગ ઘટના સ્થળે પહોંચ્યું અને ભારે જહેમત બાદ આગ પર કાબૂ મેળવ્યો. જો કે આગના પગલે લાખોનું નુકસાન થયું છે પણ કોઈ જાનહાનિ થઈ નથી. શોર્ટ સર્કિટના કારણે આગ લાગી હોવાનું હાલ પ્રાથમિક અનુમાન છે.

આ ઘટના મામલે મળતી જાણકારી મુજબ કચ્છના ભચાઉના ચોપડવા નજીક મોડીરાતે ભીષણ આગ લાગતા દોડધામ મચી જવા પામી હતી. રંગોલી પ્લાવુડ નામની દુકાનમાં અચાનક આગ ફાટી નિકળતા આજપાસના લોકોમાં ભયનો માહોલ જોવા મળ્યો હતો. 

જો કે આ ઘટના અંગેની સમયસર જાણ નજીકના ફાયરબ્રિગેડને કરવામાં આવતા ફાયર બ્રિગેડના જવાનો ઘટના સ્થળે આવી પહોંચ્યા હતા અને પાણીનો સતત મારો ચલાવતા આગ પર કાબૂ મેળવી શકાયો હતો.

જો કે આગ પ્રમાણમાં ભીષણ હોવાને કારણે દુકાનમાં રહેલ પ્લાયવુડનો મોટાભાગનો જથ્થો બળીને ખાખ થઇ ગયો ગયો હતો. આ સાથે જ માલિકને લાખોનું નુકસાન વેઠવાનો વારો આવ્યો હતો.