કચ્છના મુન્દ્રામાં છેલ્લા ઘણા સમયથી વાહનોમાંથી ડીઝલની ચોરી થવાની ઘટનાઓમાં વધારો થયો હતો. આ મામલે 7 પોલીસ સ્ટેશનમાં ફરિયાદ નોંધાઈ છે. આ મામલે પોલીસ દ્વારા 4 આરોપીઓની ધરપકડ કરવામાં આવી છે. મળતી માહિતી મુજબ મુન્દ્રામાં છેલ્લા ઘણા સમયથી ટ્રકોમાંથી મોટી માત્રામાં ડીઝલની ચોરી થતી હોવાની ફરિયાદ થતી હતી.
આ મામલે પોલીસ સ્ટેશનમાં પણ ફરિયાદ થઈ હતી. આ મામલ અંગેની બાતમી મળી હતી. LCBને મળેલી બાતમી આધાતે મિરઝાપર ચોકી ચાર રસ્તા પાસે વાહન ચેકીંગ દરમિયાન એક ગાડીમાંથી પ્લાસ્ટિકના 11 કેરબામાંથી ડીઝલ મળી આવ્યો હતો. પોલીસે 31 હજાર 850 રૂપિયાની કિંમતનો 490 લીટર ડિઝલ કબ્જો કર્યો છે. આ સાથે જ પોલીસે 4 આરોપીઓની પણ ધરપકડ કરીને આગળની કાર્યવાહી હાથ ધરી છે.
આપને જણાવી દઇએ કે કચ્છના મુન્દ્રામાં વાહનમાંથી ડીઝલ ચોરીની ઘટનાઓ આ પહેલા પણ પ્રકાશમાં આવી છે જેની ફરિયાદને આધારે સ્થાનિક LCB દ્વારા વોચ રાખવામાં આવેલ. જેને પગલે LCBએ વાહન ચેક કરતી વખતે એક ગાડીમાંથી ડીઝલ ભરેલ પ્લાસ્ટીકના 11 કેરબા મળી આવતા પોલીસે કારચાલક સહિત 3ની અટકાયત કરીને પૂછપરછ હાથ ધરી હતી.
ઉલ્લેખનીય છે કે આ શખ્સો સાથે પૂછપરછ કરતા ચોરેલા ડિઝલમાંથી 80 લીટર ડિઝલ તેમણે ધ્રબના અબ્દુલ તુર્ક નામના શખ્સને 3 હજાર રૂપિયામાં અને અઢીસો લીટર ડિઝલ કેરામાં રહેતા ભરતસિંહ મેઘરાજજી જાડેજાને 10 હજાર રૂપિયામાં વેચ્યું હતું. બાકીનો જથ્થો 14 કેરબામાં ભરી સીમ વિસ્તારમાં સંતાડી રાખ્યો હતો.
આ જથ્થો ભુજમાં વેચવાના ઈરાદે આવતા હતા ત્યારે તે પોલીસના ચેકીંગમાં ઝડપાઈ ગયા છે. પોલીસે CrPC 102 મુજબ ચોરાઉ ડિઝલ અને 1 લાખની કિંમતની સુમો કાર જપ્ત કરી છે તો CrPC 41 (1) (D) મુજબ ચારેય આરોપીની અટકાયત કરી છે.