દૂર્ઘટના / રવિવારની સવાર લાવી માઠા સમાચાર: કચ્છની નામાંકિત કંપનીમાં વધુ 2 મજૂરોના અક્સમાતમાં મોત, એકની હાલત ગંભીર

• કચ્છના સામખિયાળીની કંપનીમાં દૂર્ધટના 
• નામાંકિત ET કંપનીમાં લીફ્ટ તુટતા 2 મજૂરના મોત
• એક મજૂરને ગંભીર ઇજા થતા સારવાર માટે ખસેડાયો

કચ્છના સામખિયાળીની કંપનીમાં દૂર્ધટના ઘટતા આખા પંથકમાં અરેરાટી ફેલાઈ ગઈ હતી. નામાંકિત ET કંપનીમાં લીફ્ટ તુટતા 2 મજૂરના કમકમાટી ભર્યા મોત નીપજ્યા છે. જ્યારે  એક મજૂરને ગંભીર ઇજાઓ પહોંચી છે. તેને સારવાર માટે હાલ હોસ્પિટલ ખસેડવામાં આવ્યો છે. 

ET કંપની દ્વારા સમગ્ર મામલો દબાવવાનો પ્રયાસ

ET કંપની દ્વારા સમગ્ર મામલો દબાવવાનો પ્રયાસ કરવામાં આવ્યો હોવાના આક્ષેપ થઈ રહ્યા છે. કારણ કે, અગાઉ પણ ET કંપનીમાં અકસ્માતના બનાવ બન્યા હતા તેમ છતાં કેમ દરકાર નથી રાખવામાં આવતી તે અંગે કંપની માથે માછલા ધોવાઈ રહ્યા છે. 

ET કંપનીમાં 20થી વધુ શ્રમિકોના અકસ્માતે મોત થઈ ચૂક્યા છે

અત્યાર સુધી આ ET કંપનીમાં 20થી વધુ શ્રમિકોના અકસ્માતે મોત થઈ ચૂક્યા હોવાનું સૂત્રો પાસેથી જાણવા મળ્યુ હતુ તેમ છતાં કંપની બેદરકાર હોવાનું પણ જણાવયું હતુ. સામખીયાળી પોલીસ ઘટનાસ્થળે પહોંચી આ મામલે વધુ તપાસ હાથ ધરી છે. 

કચ્છના સામખિયાળીની કંપનીમાં દૂર્ધટના: નામાંકિત ET કંપનીમાં લીફ્ટ તુટતા 2 મજૂરના મોત, એક મજૂરને ગંભીર ઇજા થતા સારવાર માટે ખસેડાયો#Kutch #Gujarat

— VTV Gujarati News and Beyond (@VtvGujarati) August 30, 2020