કોટેશ્વર / લૉકડાઉનની સ્થિતિ વચ્ચે કચ્છના ક્રિક બોર્ડર વિસ્તારમાંથી બિનવારસી 19 ચરસના પેકેટ મળી આવ્યા

• કચ્છ ક્રિક બોર્ડર વિસ્તારમાંથી ચરસ ઝડપાયું
• કોટેશ્વર ક્રિક વિસ્તારમાંથી ચરસના 19 પેકેટ મળી આવ્યા 
• 30 લાખથી વધુ કિંમતનો ચરસનો જથ્થો ઝડપાયો 

લૉકડાઉનની સ્થિતિ વચ્ચે કચ્છના કોટેશ્વર ક્રિક બોર્ડર વિસ્તારમાંથી આજે નેવી ઇન્ટેલિજન્સને 30 લાખથી વધુ કિંમતના બિનવાસરી હાલતમાં ચરસના 19 પેકેટ મળી આવ્યા છે. જખૌના ક્રિકમાં પણ બે દિવસ અગાઉ એક પેકેટ મળી આવ્યું હતું.

અત્રે ઉલ્લેખનીય છે કે, પશ્ચિમ કચ્છ પોલીસે સરહદી દરિયાઈ વિસ્તાર જખૌના શેખરણપીર ટાપુ પાસેથી રૂપિયા 24 લાખની કિંમતના ચરસના 16 પેકેટ મળી આવ્યાં હતા. પોલીસે સ્થળ પર તપાસ કરતા બિનવારસી પેકેટ મળી આવ્યા હતાં. SOG અને મરીન પોલીસની ટીમોએ તમામ પેકેટ કબજે કરી આ વિસ્તારમાં સઘન શોધખોળ સાથે તપાસ શરૂ કરી છે. આગામી દિવસોમાં નવા ખુલાસાઓ થવાની શક્યતા છે.