કચ્છ: ગાંધીધામની ટાયર સર્વિસની દુકાનમાં કમ્પ્રેસર ફાટ્યું, એક વ્યક્તિનું મોત

કચ્છના ગાંધીધામમાં ટાયર સર્વિસની દુકાનમાં બ્લાસ્ટની ઘટના સામે આવી છે. રાજવી ફાટક પાસે આવીને ન્યુ ટેગિયા ટાયર સર્વિસ નામની દુકાનમાં બ્લાસ્ટો થયો હતો. કમ્પ્રેસરમાં બ્લાસ્ટ થતા એક વ્યક્તિનું ઘટનાસ્થળે મોત નિપજ્યું હતું. જ્યારે અન્ય એક વ્યક્તિ ઈજાગ્રસ્ત થયો હતો. આ ઘટના બાદ ઈજાગ્રસ્તને તાત્કાલિક સારવાર માટે હોસ્પિટલમાં ખસેડાયો હતો.

આ મામલે મળતી વિગતો મુજબ, કચ્છના ગાંધીધામ શહેરમાં આવેલ એક ટાયર સર્વિસ સ્ટેશનમાં બ્લાસ્ટ થતાં અફરા-તફરીનો માહોલ સર્જાયો હતો. ગાંધીધામ શહેરના સતત ભરચક રહેતા વિસ્તાર રાજવી ફાટક નજીક આવેલ ન્યુ ટેગિયા ટાયર સર્વિસ નામની દુકાનમાં રહેલ કમ્પ્રેસરમાં બ્લાસ્ટ થતાં આસપાસના વિસ્તારમાં ભયનો માહોલ જોવા મળ્યો હતો. 



અચાનક થયેલ બ્લાસ્ટને પગલે નજીકના વિસ્તારમાં દોડધામ મચી જવા પામી હતી. જો કે, આ બ્લાસ્ટને પગલે એક વ્યક્તિનું ઘટના સ્થળે જ કમકમાટીભર્યું મોત નિપજ્યું હતું તથાં એક વ્યક્તિ ઇજાગ્રસ્ત થયો હતો.
 

#Gandhidham
ગાંધીધામમાં ન્યુ ટેગિયા ટાયર સર્વિસ નામની દુકાનના કમ્પ્રેસરમાં બ્લાસ્ટ થતા એક વ્યક્તિનું મોત અને અન્ય એક વ્યક્તિ ઈજાગ્રસ્ત,રાજવી ફાટક પાસે આવેલી દુકાનની ઘટના#BreakingNews #Blast #Tyre #Compressor
(File Image) pic.twitter.com/PpozANQx5u

— VTV Gujarati News (@VtvGujarati) February 25, 2019

બનાવ અંગેની જાણ નજીકના પોલીસ મથકે કરવામાં આવતા પોલીસ કાફલો ઘટના સ્થળે આવી પહોંચ્યો હતો અને પ્રાથમિક તપાસ હાથ ધરી હતી. 

બ્લાસ્ટને પગલે ઘાયલ થયેલ વ્યક્તિને નજીકના દવાખાને તાત્કાલિક અસરથી સારવાર અર્થે ખસેડવામાં આવ્યો હતો. જો કે, કમ્પ્રેસરમાં બ્લાસ્ટ ક્યાં કારણોસર થયો તે હજી સુધી જાણી શકાયું નથી. હાલ સ્થાનિક પોલીસ આ મામલે વધુ તપાસ ચલાવી રહી છે.