કચ્છ ભાજપના યુવા નેતા ભદ્ર સમાજની મહિલા સાથે રંગરેલીયા મનાવતા રંગેહાથે ઝડપાઈ ગયા છે. આ ઘટનાને પગલે માત્ર કચ્છમાં જ નહીં પરંતુ સમગ્ર ગુજરાતના રાજકારણમાં હડકંપ મચ્યો છે.
ભાજપના યુવા નેતાનો પ્રેમપ્રકરણનો પર્દાફાશ
યુવા નેતા રંગેહાથે ઝડપાતા મેથીપાક ચખાડ્યો
ગુજરાતના રાજકારણમાં ગરમાવો
છેલ્લા કેટલાક સમયથી અવાર-નવાર નેતાઓના આપત્તિજનક વીડિયો વાયરલ થતાં હોય છે, ત્યારે વધુ એકવાર ગુજરાત ભાજપના યુવા નેતા શરમજનક સ્થિતિમાં કચ્છની સ્થાનિક મહિલા સાથે રંગરેલીયા મનાવતા ઝડપાઈ જતા ગુજરાતના રાજકારણમાં હડકંપ મચ્યો છે. આ ઘટના સામે આવ્યા બાદ થોડા વર્ષો પહેલા બનેલી નલિયા કાંડની ઘટનાને પણ કેટલાક લોકોએ યાદ કરી હતી.
યુવા નેતા ભાજપના જ નેતાની સંબંધી યુવતી સાથે ઝડપાયા
મળતી વિગતો પ્રમાણે, કચ્છ ભાજપના યુવા નેતા ભાજપના જ નેતાની સંબંધી યુવતી સાથે રંગરેલિયા મનવાતા રંગેહાથ ઝડપાઈ જતાં યુવતીના સગા-વ્હાલાઓએ સારો એવો મેથી પાક ચખાડ્યો હતો. તો આ ઘટના બાદ ગુજરાતનું રાજકારણ ગરમાયું છે અને ખારેક કાંડ અને નલિયા કાંડની ચર્ચાઓ ફરી શરૂ થઈ હતી.
ગુજરાતનું રાજકારણ ગરમાયું
ઉલ્લેખનીય છે કે, આ બનાવને પગલે ગુજરાતના રાજકારણમાં ગરમાવો જોવા મળ્યો છે અને ભાજપના નેતાએ યુવા નેતા એજ વિરૂદ્ધ મોરચો માંડીને મોવડી મંડળ સમક્ષ તાત્કાલિક અસરથી હોદ્દા પરથી ઉતારી દેવા માટેની ફરિયાદ કરી હતી. મામલો કચ્છથી ગાંધીનગર પહોંજતા જ ભાજપ પણ એક્શનમાં આવ્યું છે અને નેતાના કાંડને નારાજગી વ્યક્ત કરી હતી.
યુવા નેતા વગદાર હોવાથી મામલો દબાવવાનો પ્રયાસ
યુવતી સાથે રંગેહાથ ઝડપાયેલા કચ્છ ભાજપના નેતા વગદાર હોવાથી સમગ્ર મામલે સેટલમેન્ટ કરવાના પ્રયાસો યુદ્ધના ધોરણે હાથ ધરાયા હોવાનું પણ સૂત્રો દ્વારા જાણકારી મળી છે. સાથે જ એવું પણ જાણવા મળ્યું હતું કે, યુવા નેતા દ્વારા કેટલાક લોકોને ધાકધમકી આપી રૂપિયા પડાવતો હોવાનું પણ ખુલ્યું છે.
નલિયા કાંડની ઘટના થઈ તાજી
ભાજપના પદાધિકારીઓ દ્વારા કચ્છ ભાજપમાં પંડિત દિનદયાળ પ્રશિક્ષણ અભિયાનના આઈકાર્ડ આપીને 30થી વધુ મહિલાઓને નેતાઓની ભૂખ સંતોષવા માટે હોટલમાં મોકલવામાં આવતી હતી. આ સમગ્ર મામલો સામે આવતા જ ભાજપની આબરૂની સરેઆમ ફજેતી થઈ હતી અને સમગ્ર પ્રકરણને દબાવી દેવા કે પછી ભીનું સંકેલી લેવા માટે ભાજપના મોટા માથાઓ દ્વારા પ્રયાસ કરવામાં આવ્યા હતા. ત્યારે આજેપણ ફરી એકવખત ભાજપના નેતા યુવતી સાથે રંગેહાથ ઝડપાતા ગુજરાતમાં ખારેક કાંડની ચર્ચાઓ શરૂ થઈ છે.