કચ્છ: ભુજમાં દલિત સુમદાયની રેલીમાં પોલીસ અને ટોળા વચ્ચે ઘર્ષણ થયું છે. ભુજના મામલતદારની ગાડી પર લાકડીઓ વડે હુમલો કરાયો હતો અને ગાડીના કાચ તોડવામાં આવતા પોલીસ અને ટોળું આમને સામને આવી ગયું હતું. જોકે હુમલાના પગલે પોલીસનો ચુસ્ત બંદોબસ્ત ગોઠવાયો હતો.
તો આ તરફ ગાંધીધામમાં પણ કેટલાક અજાણ્યા લોકો દ્વારા ગાંધીધામ શહેરના ટાગોર રોડ પર ટાયર સળગાવીને ઉગ્ર વિરોધ કર્યો હતો. જો કે આ વિરોધની ઘટના વધુ ઉગ્ર બનતા પોલીસે ફાયરિંગ કરવું પડ્યું હતું.
ત્યારે આપને જણાવી દઇએ કે આજરોજ દલિત સંગઠનો દ્વારા ભારત બંધનું એલાન આપેલ છે જેને લઇને ભારતભરમાં વિરોધ કરવામાં આવી રહ્યો છે. આ વિરોધને દેશમાં સારો પ્રતિસાદ મળી રહ્યો છે.