કચ્છ: મહિલા સુરક્ષાની વાતો કરનારા. નેતાઓ જ આજે વાસનાના ભૂખ્યા બની ગયા છે. સત્તા અને પાવરમાં એટલા મશગૂલ બની ગયા છે કે જનસેવા નહીં. પરંતુ જન શોષણ કરી રહ્યા છે. ભાજપ નેતા જયંતિ ભાનુસાળીના એક બાદ એક કામના રહસ્યો ખુલીને સામે આવી રહ્યા છે.
સુરતની એક યુવતી સાથે દુષ્કર્મ બાદ ભાનુસાળીની વધુ એક કામલીલા પરથી પરદો ઉઠયો છે. ભાનુસાળીએ અન્ય એક નડિયાદની મહિલાનું પણ શોષણ કર્યું છે. મહિલાના શોષણ અંગેનો એક ઓડિયો સામે આવ્યો છે. વાયરલ ઓડિયોમાં પીડિત મહિલા જણાવી રહી છે કે 6 વર્ષ પહેલા કચ્છમાં એક કાર્યક્રમ દરમિયાન હું ભાનુસાળીના સંપર્કમાં આવી હતી.
મારી આર્થિક સ્થિતિ સારી ન હોવાથી હું તેના શોષણનો ભોગ બની હતી. જે બાદ પૈસાના બદલામાં ભાનુસાળી મને ભોગવતો હતો. છેલ્લા 6 વર્ષથી તે સતત મારું શોષણ કરી રહ્યો છે. 6 મહિનાથી તે ફોન પણ નથી ઉપાડી રહ્યો. પરંતુ જ્યારે સુરતની ઘટના સામે આવી તો જાહેરમાં આવવાની મારી હિંમત થઈ.
મારી પાસે ભાનુસાળી વિરુદ્ધ તમામ પુરાવા પણ છે અને હું આ બાબતે નડિયાદ પોલીસમાં ફરિયાદ નોંધાવવા માટે પણ ગઈ હતી. પરંતુ પોલીસે મારી એકપણ ન સાંભળી. આ તમામ શબ્દો નડિયાદની પીડિતાના છે. જેનું હવસના ભુખ્યા નેતાએ શોષણ કર્યું છે.
સૌથી મહત્વની બાબત તો એ છે કે ભાનુસાળી સામે એક બાદ એક નવા-નવા ખુસાલા સામે આવી રહ્યા છે. તેની વિકૃત હરકતોનો પર્દાફાશ થઈ રહ્યો છે. મહિલાઓનું શોષણ કર્યાનું સામે આવ્યું છે. ત્યારે પણ ભાજપ ભેદી મૌન ધારણ કરીને બેઠું છે. પોતાના નેતા વિરુદ્ધમાં એક શબ્દ પણ બોલવા માટે તૈયાર નથી.