કચ્છ: ભુજના દેશલપર સામત્રા નજીક અકસ્માત થયો હોવાનું સામે આવ્યું છે. રીક્ષા અને ટ્રક વચ્ચે અકસ્માત થતાં 6 લોકોના મોત થયા છે 3 લોકો ઘાયલ થયા છે. ઈજાગ્રસ્તોને જી.કે.જનરલ હોસ્પિટલમાં ખસેડાયા છે. તમામ લોકો રિક્ષામાં બેસી દાડમ વીણવા જઈ રહ્યા હતા. સમગ્ર ઘટનાને પગલે કોંગ્રેસના નેતા આદમ ચાકી હોસ્પિટલ પહોંચ્યા હતા.
પાટણઃ ટેમ્પો અને પોલીસ વાહન વચ્ચે ગમખ્વાર અકસ્માત
પાટણઃ આડિસર ચેકપોસ્ટ પાસે ગમખ્વાર અકસ્માત થયો છે. ટેમ્પાને પાછળથી પોલીસની ગાડીએ ટક્કર મારતા અકસ્માત સર્જાયો છે. અકસ્માત થતાં ઘટનાસ્થળે ચાર લોકોના મોત થયા છે. આ અકસ્માતમાં 35થી વધુ લોકો ગંભીર રીતે ઘાયલ થયા છે.
અમરેલી LCB પોલીસને નડ્યો અકસ્માત
અમરેલીમાં LCB પોલીસને અકસ્માત નડયો. પોલીસવાન અને ટ્રક વચ્ચે અકસ્માત થતા ત્રણ પોલીસકર્મી ઈજાગ્રસ્ત થયા છે. તો એક પોલીસકર્મી ગંભીર રીતે ઈજા પામતા તેમને સારવાર માટે હોસ્પિટલ ખસેડવામાં આવ્યા છે. ધંધુકા બરવાળા રોડ નજીક અકસ્માત સર્જાયો હતો. દુર્ઘટનાના પગલે પોલીસ ઘટના સ્થળે પહોંચી હતી અને આગળની કાર્યવાહી હાથ ધરી છે.