ટેલિવિઝન જગતનું સૌથી લોકપ્રિય ટીવી સીરિયલ છે તારક મહેતા કા ઉલ્ટા ચશ્મા. આ શો નાના-મોટા સૌનું ફેવરિટ છે. એટલું જ નહીં આ શોના રિપીટ એપિસોડ્સ પણ દર્શકો ખૂબ જુએ છે. આ શોના દરેક પાત્રો ફેમસ છે. જેમાંથી ટપ્પુસેના પણ દર્શકોને ખૂબ હસાવે છે. સીરિયલની ટપ્પૂ સેનાના કલાકારો પણ ખૂબ જ લોકપ્રિય છે. આ ખાસ શોનો ભાગ હોવાથી આ લોકોનું પણ જીવન બદલાઈ ગયું છે. જેમાં એક 'ગોલી' એટલે કે કુશ શાહ છે. આ શોને કારણે ગોલીનું પણ જીવન બદલાઈ ગયું છે.
તારક મહેતાના દરેક કલાકાર લોકોમાં ખૂબ જ લોકપ્રિય છે
શોમાં ગોલીનો રોલ પ્લે કરનાર કુશ શાહ પણ ઘણો ફેમસ થઈ ગયો છે
ગોલીએ કહ્યું-કે રિક્શા અને ટેક્સીવાળા તેની પાસેથી ભાડું નથી લેતા
શોમાં ગોલીનો રોલ પ્લે કરનાર કુશ શાહ કહે છે કે, આ શોએ અમારું જીવન બદલી નાખ્યું છે. પહેલાં લોકો અને મારા સંબંધીનો મને મારા નાનપણના નામથી એટલે કે કુશ કહીને બોલાવતા હતા પણ હવે બધાં મને મારા ઓનસ્ક્રીન નામ ગોલી કહીને બોલાવે છે.
ટેક્સીવાળા ભાડું પણ લેતા નથી
કુશએ આગળ કહ્યું- ઘણીવાર દર્શકો અમને ઘેરી લે છે અને ખૂબ પ્રેમ આપે છે. એટલું જ નહીં જ્યારે અમે ટેક્સી કે રિક્શામાં જઈએ છે તો એ લોકો અમારી પાસેથી ભાડું પણ લેતા નથી. જ્યારે અમે તેમને ભાડું લેવાનો આગ્રહ કરીએ છીએ તો પણ તેઓ ના પાડી દે છે. લોકો એટલો પ્રેમ કરે છે. કુશએ કહ્યું-દર્શકો પણ અમને પરિવાર સમાન માને છે. અમે નસીબદાર છીએ કે અમે આવા શોનો ભાગ છીએ. આ શોને કારણે અમને સેટની બહાર જે પણ મળે છે અને પોતાનું સમજે છે.
ગોગીનો રોલ પ્લે કરનાર સમય શાહ કહે છે કે, એકવાર મારા ફ્રેન્ડએ વિશ્વાસ જ ન કર્યો કે હું તારક મહેતામાં ગોગીનો રોલ પ્લે કરું છું, કેમ કે મેં પાઘડી નહોતી પહેરી અને હું શોમાં મારા પાત્ર જેવો નહોતો દેખાઈ રહ્યો, પછી મેં તેને કહ્યું પણ કે હું જ ગોગી છું તો તેણે મને ચિડાવતા કહ્યું હા, મારા પિતા પણ અમિતાભ બચ્ચન છે. પછી સમયએ કહ્યં કે, હું પાઘડી બાંધીને ગયો અને તેને મળ્યો ત્યારે તેને વિશ્વાસ થયો કે હું જ ગોગી છું અને પછી અમે બંને ખૂબ હસ્યા હતા.