ઉત્તરાખંડમાં પોતાની અને પોતાના પક્ષ ભાજપની મજાક કરીને પક્ષમાંથી સસ્પેન્ડ થયેલા ઉત્તરાખંડના સૌથી વિવાદિત ધારાસભ્ય પ્રણવસિંહ ચેમ્પિયન ફરી એક વાર ચર્ચામાં આવ્યા છે. આ વખતે તેઓ કોઇની સાથે મારપીટની ઘટનામાં નહીં, પરંતુ દારૂના નશામાં એક-બે નહીં, પરંતુ 4-4 તમંચા સાથે ડાન્સ કરતા જોવા મળ્યા છે.
પોતાના પગનું ઓપરેશન કરાવીને ઘરે પરત ફરેલા પ્રણવસિંહ ચેમ્પિયને પોતાના કેટલાક સમર્થકો સાથે આ દાવત કયારે રાખી હતી તે તો સ્પષ્ટ નથી, પરંતુ વીડિયો બેથી ત્રણ દિવસ જૂનો લાગે છે. તેમાં તેઓ ઉત્તરાખંડ અંગે અભદ્ર ભાષાનો ઉપયોગ પણ કરી રહ્યા છે. હાથમાં રિવોલ્વર અને કાર્બાંઇન લઇને ડાન્સ પણ કરતા દેખાય છે.
વીડિયો 'લાંબા લાંબા ઘુંઘટ કાહે કો ડાલા...' આ ગીત વાગી રહ્યું હતું અને પ્રણવસિંહના એક હાથમાં દારૂનો ગ્લાસ અને બીજા હાથમાં એક-બે નહીં, પરંતુ ચાર-ચાર પિસ્તોલ લઇને ડાન્સ કરવામાં આવી રહ્યો છે.
આ સમયે તેમની સાથે તેમના કેટલાક સમર્થક પણ હાજર હતા. આ સમર્થકો તેમના વખાણ કરતા સંભળાતા હતા. તેઓ કહી રહ્યા હતા કે આખા ઉત્તરાખંડ ફકત તમે જ આવું કરી શકો. ત્યાર બાદ ધારાસભ્ય કહે છે કે માત્ર ઉત્તરાખંડ જ નહીં, આખા દેશમાં આવું કોઇ ના કરી શકે જેવું તે કરી રહ્યા છે.
BJP MLA Pranav Champion who was recently suspended from the party for threatening a journalist, seen in a viral video brandishing guns. Police says, "will look into the matter and also verify if the weapons are licensed or not." (Note: Abusive language) pic.twitter.com/AbsApoYR2g
ત્યાર બાદ તેઓ જે રાજ્યના ધારાસભ્ય છે, જ્યા જનતાએ તેમને ચૂંટીને મોકલ્યા છે. તે ઉત્તરાખંડ માટે ગાળ અને અભદ્ર ભાષાનો પ્રયોગ કરી રહ્યા છે. પ્રણવસિંહ ચેમ્પિયન પોતાની આ હરકતોના કારણે પાર્ટીમાંથી સસ્પેન્ડ કરાયા છે. આવા કેટલાયે વીડિયો સોશિયલ મીડિયા પર દર વર્ષે વાઇરલ થતા રહે છે.