માઠી ખબર / કુનો નેશનલ પાર્ક બન્યું ચિત્તાનું કબ્રસ્તાન, વધુ 2 બચ્ચાના મોત, લાવ્યાં પછી અત્યાર સુધી 6 ચિત્તા ન રહ્યાં

• કૂનો નેશનલ પાર્કમાં ફરી ચિત્તાનાં 2 બચ્ચાઓનું થયું મોત
• જ્વાલા નામની માદા ચિત્તાએ હાલમાં જ 4 બાળકોને આપ્યો હતો જન્મ
• આજે 2 બચ્ચાઓની તબિયત લથળતાં નિપજ્યું મોત

કૂનો નેશનલ પાર્કથી ફરી એકવાર દુ:ખદ સમાચાર આવી રહ્યાં છે. નામીબિયાથી કૂનોમાં આવેલા ચિત્તાનાં વધુ 2 બચ્ચાઓનું મોત થયું છે .આ પહેલાં 23 મેના રોજ પણ એક બચ્ચાંનું મોત થયું હતું. હાલમાં જ જ્વાલા નામની માદા ચિત્તાએ 4 બચ્ચાઓને જન્મ આપ્યો હતો જેના બાદ એક બચ્ચાનું મોત થયું હતું. આ સ્થિતિને જોતાં બાકીનાં 3 ચિત્તાઓ અને માદા ચિત્તા જ્વાલાને વાઇલ્ડલાઇફ ડૉક્ટર્સ ટીમની દેખરેખ હેઠળ રાખવામાં આવ્યાં હતાં.  અત્યાર સુધીમાં 3 ચિત્તાઓ અને 3 ચિત્તાનાં બચ્ચાઓનું મૃત્યુ કૂનો નેશનલ પાર્કમાં થઈ ચૂક્યું છે.

Madhya Pradesh | Second cub of Cheetah Jwala died during monitoring while being in weak condition amid sweltering heat at Kuno National Park. Cheetah Jwala had three cubs. Her first cub died on May 23. https://t.co/tvo43BIIEf pic.twitter.com/xLbfAuBj0e

— ANI (@ANI) May 25, 2023

બચ્ચાઓની સ્થિતિ લથળતાં થયું મૃત્યુ
મધ્યપ્રદેશનાં મુખ્ય વન સંરક્ષકની તરફથી જણાવવામાં આવ્યું કે 23 મેનાં ભીષણ ગરમીને લીધે અને ત્રણેય બચ્ચાઓની અસામાન્ય સ્થિતિને ધ્યાનમાં લેતાં વાઇલ્ડલાઇફ ડૉક્ટર્સની ટીમે ત્રણેય બચ્ચાઓને  રેસ્ક્યૂ કરીને સારવાર કરવાનો નિર્ણય કર્યો હતો પરંતુ તેમાથી 2 બચ્ચાઓની સ્થિતિ ઘણી ખરાબ થઈ ગઈ અને ઈલાજ દરમિયાન તેમનું મોત થઈ ગયું હતું.

વધુ એક બચ્ચું સારવાર હેઠળ
અધિકારીએ જણાવ્યું છે કે વધુ એક બચ્ચાની સ્થિતિ હજુ ગંભીર છે અને સારવાર માટે તેને પાલપુર સ્થિત હોસ્પિટલમાં રાખવામાં આવેલ છે. તેની સારવાર  માટે ખાસ નામીબિયા અને સાઉથ આફ્રીકાનાં સહયોગી ચિત્તા વિશેષજ્ઞો અને ડોક્ટરોની પણ સલાહ લેવામાં આવી રહી છે. તો બીજી તરફ માદા ચિત્તા સ્વસ્થ છે.

ઓછું વજન અને ડિહાઈડ્રેનનાં કારણે નિપજ્યું મોત
તેમણે જણાવ્યું કે ચિત્તાનાં બચ્ચાઓનું સામાન્યથી ઓછું વજન અને વધારે ડિહાઈડ્રેશન થઈ જવાને કારણે મોત નિપજ્યું છે. ચિત્તાનાં આ બચ્ચાઓની ઉંમર લગભગ 8 અઠિવાડીયાની હતી.