ખોરંભે / છોટાઉદેપુર: જમીન ખેડવા જીવનું જોખમ ખેડી રહ્યા છે ગામ લોકો, ટ્યુબના સહારે જિંદગી કાઢી, વિકાસનો રસ્તો કયારે?

• વિકાસ માટે ઝંખતું ગામ
• વર્ષોથી પુલની માગ કરી રહ્યા છે લોકો 
• ખેતર સુધી પહોંચવામાં રોજ ખેડે છે ઝોખમ 

વિકાસની વાતો આપણે ત્યાં ખુબ થાય છે. પરંતુ ક્યારે લોકોની મુશ્કેલીઓ સરકારના કે, નેતાઓના ધ્યાને નથી આવતી. જેના કારણે લોકોએ મુશ્કેલીઓનો વર્ષો સુધી સામનો કરવો પડે છે. આવું કાંઈક છોટાઉદેપુરના બે ગામના લોકો સાથે થઈ રહ્યું છે. જ્યાં લોકોને પોતાના ખેતર કે ઘર સુધી પહોંચવા માટે ડેમના પાણીમાંથી જીવના જોખમે ટ્યુબની મદદથી જવું પડે છે. 

તંત્ર આડે વેળફે છે પણ જ્યાં જરૂર છે ત્યાં...
વિકાસની વાતો વચ્ચે જીવને જોખમમાં મુકીને ડેમ પરસાર કરતા લોકોના આ દ્રશ્યો જુઓ. બસ એક ચૂક અને ગમે ત્યારે જીવ જઈ શકે. આ દ્રશ્યો આપણા જ ગુજરાતના છે. જ્યાં લોકોને એક ગામથી બીજા ગામમાં આવેલી પોતાની જમીન સુધી પહોંચવા માટે રોજ આ પ્રકારનું જોખમ ખેડવું પડે છે. સમગ્ર ઘટના છોટાઉદેપુરના કુંડલ ખાતેની છે. અહીં રોજ લોકોને આ પ્રકારનું જોખમ ખેડે છે. કારણ કે, જો ડેમ પાર કરીને જાય તો તેમને 15 થી 20 કિલોમીટર સુધી ફરીને જવું પડે છે. તેવામાં આ રીતે રોજે રોજ આટલું અંતર કાપવું ત્રણ ગામના લોકોને પોસાય તેમ નથી જેથી લોકો ટ્યુબની મદદથી ડેમ પાર કરવા માટે મજબૂર છે. 

તંત્રને રજૂઆત કરી પણ એકનું બે ન થયું
ગામના લોકોએ અનેક વખત તંત્રમાં સત્તાધીશોને પુલ બનાવવા માટે રજૂઆતો કરી છે. પરંતુ ન તો કોઈપણ પ્રકારનો પુલ બનાવવામાં આવી રહ્યો છે કે, ન તો ડેમ પાર કરવા માટે હોળીની વ્યવસ્થા થાય છે. તેવામાં અહીં તેવામાં કુંડલ, લુણાજા અને જીજરવાણી ગામના લોકો પુલ બનાવવાની માગ કરી રહ્યા છે. ત્યારે આશા રાખીએ કે, તંત્ર અહીંના લોકોની સમસ્યાના સમાધાન માટે વહેલી તકે કોઈ કામગીરી કરશે.