ક્રિકેટ / VIDEO: બાંગ્લાદેશ વચ્ચેની ટેસ્ટ શ્રેણીમાં બન્યું એવું કે વિરાટ સહીત કોચ રાહુલ પણ ભડક્યા

• ભારત અને બાંગ્લાદેશ વચ્ચે 2 ટેસ્ટ શ્રેણી
• પ્રથમ ટેસ્ટના ચોથા દિવસનો વિડીયો વાયરલ
• અમ્પાયરના નિર્ણયથી ખેલાડીઓ થયા નારાજ

હાલ ભારત અને બાંગ્લાદેશ વચ્ચે ટેસ્ટ મેચ શ્રેણી ચાલી રહી છે. જેમાં 1 ટેસ્ટ મેચ રમી ચુક્યા છે. સાથે જ ભારતીય ભૂતપૂર્વ કેપ્ટન વિરાટ કોહલી લાઇવ મેચ દરમિયાન મેદાન પર હોવું એ ચાહકો માટે રોમાંચિત હોય છે. કોહલી એવો ખેલાડી છે જે બેરંગ મેચમાં પણ પોતાના વર્તનથી ખાસ રંગ ભારી દે છે. ખાસ કરીને કોહલી મેદાન પર ખૂબ જ સક્રિય રહે છે અને ચાહકોને કંટાળો આવવા દેતો નથી. ટેસ્ટ મેચના ચોથા દિવસે પણ કંઈક આવું જ થયું, જ્યારે લાઈવ મેચ દરમિયાન કોહલી ગુસ્સે થઈ ગયો. વાસ્તવમાં, બાંગ્લાદેશની બીજી ઈનિંગની 65મી ઓવર દરમિયાન લિટન દાસ કુલદીપ યાદવના બોલ પર એલબીડબલ્યુ થતા બચી ગયો હતો. મેદાન પરના અમ્પાયરે બોલરની અપીલ ઠુકરાવી દીધી હતી. 

કિંગ કોહલી ને આવ્યો ગુસ્સો
જે બાદ ભારતીય ટીમના કેપ્ટન કેએલ રાહુલએ રિવ્યુ લીધો અને રિપ્લેમાં જોવા મળ્યું કે બોલ સ્ટમ્પ સાથે અથડાતો હતો. પરંતુ લાઇન ઓફ ઇમ્પેક્ટના કારણે લિટનને થર્ડ અમ્પાયરે આઉટ આપ્યો ન હતો. અમ્પાયરોના કોલને કારણે લિટન દાસ આઉટ થતા બચી ગયો હતો. જ્યારે આ નિર્ણય આવ્યો ત્યારે બોલર કુલદીપ અને કોહલી આ નિર્ણય સાથે સહમત ન હતા. 

OMG https://t.co/nCXWQG4YT8 pic.twitter.com/WZS98EwPMi

— Adnan Ansari (@AdnanAn71861809) December 17, 2022

અમ્પાયરના નિર્ણયથી ભારતીય ટીમ નારાજ
આ નિર્ણય આવતાની સાથે જ કુલદીપે પોતાના હાથથી બોલ ફેંકી દીધો, જ્યારે કોહલી આ નિર્ણય વિશે અમ્પાયર સાથે વાત કરતો જોવા મળ્યો. બીજી તરફ ટીમના કોચ રાહુલ દ્રવિડ પણ અમ્પાયરના નિર્ણયથી નિરાશ જોવા મળ્યા હતા. આ વીડિયો સોશિયલ મીડિયા પર ખૂબ જ વાયરલ થઈ રહ્યો છે. 

મેચની હાલત શું છે?
બીજી તરફ ટેસ્ટ મેચની વાત કરીએ તો બાંગ્લાદેશની બીજી ઈનિંગમાં  324 રન કર્યા છે. ભારતે પહેલી મેચ જીતી લીધી છે. ટેસ્ટ મેચના પાંચમા દિવસે ભારતે 1-0ની સરસાઈ મેળવી લીધી છે. તમને જણાવી દઈએ કે ભારત અને બાંગ્લાદેશ વચ્ચે 2 ટેસ્ટ મેચોની સીરિઝ રમાવાની છે.