રાજનીતિ / પાક. જેલમાં બંધ કુલભૂષણ જાધવ મામલે આ મહીને આવી શકે છે ચૂકાદો : વિદેશ મંત્રાલય

નિર્ણયની જાહેરાત ઇન્ટરનેશનલ કોર્ટ કરશે. તારીખની જાહેરાત પણ તેમના દ્વારા જ કરવામાં આવશે. વર્ષ 1993ના મુંબઇમાં થયેલા બોમ્બ વિસ્ફોટના માસ્ટરમાઇન્ડ દાઉદ ઇબ્રાહિમ ક્યાં છે તે વિશે વિદેશ મંત્રાલયે જણાવ્યું છે. વિદેશ મંત્રાલયે પ્રેસ કોન્ફરન્સ કરી કહ્યું કે અમે જાણીએ છીએ કે દાઉદ ક્યાં છે, પાકિસ્તાન માત્ર દેખાડો કરતા પોતાના જમીન પર ઉછરી રહેલા આતંકવાદીઓ વિરુદ્ધ કાર્યવાહી કરવાની વાત કરે છે, એ માત્ર દેખાડો છે.

વિદેશ મંત્રાયલના પ્રવક્તા રવીશ કુમારે કહ્યું કે અમને ઘણીવાર દાઉદના પાકિસ્તાનમાં હોવા અંગે જાણકારી મળી છે. પરંતુ પાકિસ્તાને તેનો સ્પષ્ટ ઇનકાર કર્યો છે. જ્યારે કરતારપુર કોરિડોર મામલે વિદેશ મંત્રાલયે કહ્યું કે અમે કેટલીક તારીખોનો પ્રસ્તાવ આપ્યો છે. પાકિસ્તાને 14 જુલાઇની બેઠક માટે તૈયારી બતાવી છે. કેટલાક મુદ્દાઓ પર અમારા વિચાર અલગ છે જેમના વિશે ચર્ચા કરવામાં આવશે. એ સમજવુ જરૂરી છે કે આ ભાવનાઓનો મામલો છે. આ શીખ સમુદાયની ઇચ્છાઓની પૂર્તીનો મામલો છે

Raveesh Kumar, MEA: The location of Dawood Ibrahim is not a secret. Time & again we have been presenting to Pakistan a list of people who are in their country. We've asked repeatedly that he should be handed over. His imprint on the Mumbai blast is very clear for all of us to see pic.twitter.com/2zUNYVEDGO

— ANI (@ANI) July 4, 2019

વિદેશ મંત્રાલયે ગુરુવારે અંડરવર્લ્ડ ડોન દાઉદ ઇબ્રાહિમને લઇને પ્રેસ કોન્ફરન્સ કરી છે. વિદેશ મંત્રાલયના પ્રવક્તા રવીશ કુમારે કહ્યું કે દાઉદ ઇબ્રાહિમે કહ્યું છે એ વાત કોઇના છુપી નથી કે સમય-સમય પર ભારત પાકિસ્તાનને લિસ્ટ આપી ચૂક્યું છે અને આ વાત અમને કહી ચૂક્યા છીએ. 

જ્યારે હાફિજ સઇદને લઇને રવીશ કુમારે કહ્યું કે જ્યારે પાકિસ્તાને ઉઠાવેલા પગલાને અમે જોઇએ છીએ તો, આપ (પાકિસ્તાન) કાર્યવાહી કરવાનો દાવો કરો છો. પરંતુ જ્યારે ભારત વિરોધી ગતિવિધિઓમાં સામેલ લોકો વિરુદ્ધ કાર્યવાહી કરવાની વાત આવે છે તો, તમે કંઇપણ કરતા નથી. બીજી તરફ આપ આંતરરાષ્ટ્રીય સમુદાયને વિશ્વાસ તોડવાની કોશિશ કરો છો.