લક્ઝરી બાઈક કંપની કેટીએમે ભારતમાં પોતાની લોકપ્રિય બાઈક કેટીએમ 250 એડવેન્ચરનું 2022 એડિશન બુધવારે માર્કેટમાં ઉતારી દીધુ છે. બાઈકની કિંમત 2.35 લાખ રૂપિયા રાખવામાં આવી છે. કંપનીએ આ બાઈકની સાથે ફાઈનાન્સ સ્કીમ પણ શરૂ કરી છે.
લોકપ્રિય બાઈક કેટીએમ 250 એડવેન્ચરનું 2022 એડિશન લોન્ચ
બાઈકની કિંમત 2.35 લાખ રૂપિયા રાખવામાં આવી
ફાઈનાન્સ સ્કીમ હેઠળ તમે 6300 રૂપિયાના EMIમાં ખરીદી શકો છો
6300 રૂપિયાના ઈએમઆઈમાં બાઈકને ખરીદી શકો છો
આ સ્કીમ હેઠળ તમે 6300 રૂપિયાના ઈએમઆઈમાં બાઈકને ખરીદી શકો છો. કંપનીએ એક નિવેદનમાં કહ્યું કે કંપનીના આખા દેશમાં સ્થિત શોરૂમમાં નવી 2022 કેટીએમ 250 એડવેન્ચર બાઈક માટે બુકિંગ શરૂ થઇ ગયુ છે. આ બાઈકમાં 248 સીસીનું ચાર વાલ્વવાળું સિંગલ સિલિન્ડર લિક્વિડ કૂલ્ડ એન્જિન છે. 2022 કેટીએમ 250 એડવેન્ચર 2 નવા રંગોમાં તૈયાર છે- કેટીએમ ઈલેક્ટ્રોનિક ઓરેન્જ, કેટીએમ ફૈક્ટ્રી રેસિંગ બ્લૂ.
જાણો કેવુ છે એન્જિન
કેટીએમ 390 એડવેન્ચરના પ્લેટફોર્મ પર બનેલ આ કેટીએમ બાઈક એક પાવરહાઉસ છે. તે પોતાના 248-સીસી અત્યાધુનિક ડીઓએચસી ચાર-વાલ્વ સિંગલ સિલિન્ડર લિક્વિડ કૂલ્ડ એન્જિનની સાથે 30PSનો પાવર અને 24 એનએમનો ટોર્ક આપે છે.
ડિઝાઈન અને ફીચર્સ
કેટીએમની આ નવી એડવેન્ચર બાઈકને સ્પોર્ટી લુક અને આકર્ષક ડિઝાઈનની સાથે રજૂ કરવામાં આવી છે. આ બાઈકમાં સ્ટીલ હેન્ડલબાર, 19 ઈંચ અને 17 ઈંચના વ્હીલ ઓપ્શન અને H4 ફ્રન્ટ લાઈટ્સ અને LED ટેલલાઈટ્સ પણ જોવા મળશે. ફીચર્સની વાત કરીએ તો આ બાઈકમાં ઑફ રોડ ABS બટનની સાથે LCD ડિસ્પ્લે, કટિંગ એજ BYBRE બ્રેક્સ, Bosch 9.1 MB 2- ચેનલ સિસ્ટમ, પાવર આસિસ્ટ સ્લિપર ક્લચ, ઇલેક્ટ્રોનિક ફ્યૂલ ઈન્જેક્શન અને બીજા ઘણા શાનદાર ફીચર્સ મળશે.