ધ કપિલ શર્મા શોમાં આ અઠવાડિયે સિંગિંગનો તડકો લાગશે. હકીકતમાં, શોમાં નેહા કક્કડ, તેનો ભાઈ ટોની કક્ક્ડ અને બહેન સોનૂ કક્કડ આવવાના છે. શોમાં ત્રણેય ખૂબ જ ધમાલ મચાવશે. જ્યારે કપિલ શર્મા અને કૃષ્ણા અભિષેક ભેગાં મળીને શોમાં નેહા કક્કડ સાથે મજાક ઉડાવશે.
ધ કપિલ શર્મા શોમાં આવી નેહા કક્કડ
કૃષણા અભિષેકે નેહા માટે કહી આ વાત
કપિલ શર્મા અને કૃષ્ણાએ નેહાની ઉડાવી મજાક
શોમાં કપિલ શર્મા કહે છે કે, 2006માં નેહા ઈન્ડિયન આઈડલમાં કન્ટેસ્ટન્ટ તરીકે આવી હતી. એટલું બોલ્યા પછી કપિલ નેહાને પૂછશે કે, જે દુકાનમાં પહેલાં તમે રાશન માટે લાઇનમાં ઊભા રહ્યા હતા, હવે તે જ દુકાનના સ્ટોલ પર બેસીને કેવું લાગી રહ્યું છે. આ સાંભળીને નેહા ખૂબ હસી પડી.
આગળ કૃષ્ણા કહે છે કે, નેહા ઈન્ડિયન આઈડલની અર્ચના પૂરણ સિંહ છે. અહીં અર્ચના મેમ હસી-હસીને પૈસા કમાય છે અને ત્યાં ઈન્ડિયન આઈડલમાં નેહા કોઈપણ વાત પર રડી-રડીને પૈસા કમાય છે. કૃષ્ણા અભિષેકની આ વાત પર નેહાનું રિએક્શન જોવા લાયક હતું.
તમને જણાવી દઈએ કે નેહા કક્કડ ઘણી જ ઈમોશનલ છે. ઈન્ડિયન આઈડલના સેટ પર તે ઘણીવાર ભાવુક થઈ જાય છે. એક વખત શોમાં બોયફ્રેન્ડ હિમાંશ કોહલી અંગે વાત કરતા નેહા રડી પડી હતી. નેહા કક્કડ ઈન્ડિયન આઈડલને લઈને ઘણી જ ચર્ચામાં રહે છે. થોડા સમય પહેલાં જ નેહા કક્કડે તેના બોયફ્રેન્ડ માટે ગીત ગાયું હતું.