ભારતીય ટીમમાંથી બહાર ચાલી રહેલા લેફ્ટ આર્મ સ્પિનર ક્રુણાલ પંડ્યાનું ગુરૂવારે સવારે ટ્વિટર એકાઉન્ટ હેક થયુ. હેકરે ક્રુણાલ પંડ્યાના એકાઉન્ટને હેક કરી તેના પર ઘણી પોસ્ટ કરી. હેકરે લખ્યું કે તે બિટકોઈન માટે આ ટ્વિટર એકાઉન્ટ પણ વેચવા માગે છે.
હેકરે ક્રુણાલ પંડ્યાના એકાઉન્ટને હેક કરી તેના પર કરી પોસ્ટ
ક્રુણાલ પંડ્યાના ફોલોવર્સે હેકરની પોસ્ટ પર કરી કોમેન્ટ
ક્રુણાલ પંડ્યાનું ટ્વિટર એકાઉન્ટ હેક
ક્રુણાલ પંડ્યા તરફથી આ અંગે કોઈ સત્તાવાર પ્રતિક્રિયા સામે આવી નથી. હેકર તરફથી સતત છેલ્લાં અડધા કલાકમાં સતત પોસ્ટ કરાઈ રહી છે. ક્રુણાલ પંડ્યા હાલ ભારતીય ટીમમાંથી બહાર છે. અત્યાર સુધી મુંબઈ ઈન્ડિયન્સ માટે ઈન્ડિયન પ્રીમિયર લીગમાં રમનારા ક્રુણાલ પંડ્યાને તેમની ટીમે નવેમ્બરમાં જાહેર રિટેન્શન યાદીમાં નહોતા રાખ્યા. આ સાથે જ તેના ભાઈ હાર્દિક પંડ્યાનું નામ પણ તે યાદીમાં ન હતુ. હાર્દિક પંડ્યાને ત્યારબાદ અમદાવાદની ટીમે પોતાના ડ્રાફ્ટમાં કેપ્ટન તરીકે 15 કરોડ રૂપિયામાં સામેલ કર્યો હતો. ક્રુણાલ પણ અત્યારે IPLની મેગા ઓક્શનની રાહ જોઈ રહ્યાં છે.
ક્રુણાલ પંડ્યાના ફોલોવર્સે હેકરની પોસ્ટ પર કરી કોમેન્ટ
ટ્વિટર પર ક્રુણાલનું એકાઉન્ટ હેક થયા બાદ તેના ફોલોવર્સ સતત હેકરની પોસ્ટ પર કોમેન્ટ કરી રહ્યાં છે. ક્રુણાલ પંડ્યા પાસેથી ટૂંક સમયમાં આ મામલે રિએક્શનની આશા સેવાઈ રહી છે. ક્રુણાલ પંડ્યાએ ભારતીય ટીમ માટે 5 વન-ડે અને 19 ટી-20 મેચ રમી છે. પંડ્યાએ ભારતીય ટીમ માટે પોતાનુ ડેબ્યુ નવેમ્બર 2018માં વેસ્ટ ઈન્ડીઝ ટીમ સામે કર્યુ હતુ.