IPLIN
 

વાયરલ / Video : ચાલુ મેચમાં શ્રીલંકન બેટ્સમેનને ભેટી પડ્યો પંડ્યા, લોકોએ કહ્યું દ્રવિડના સંગની અસર

Team VTV 07:48 PM, 18 Jul 21 | Updated: 08:09 PM, 18 Jul 21
Follow us
krunal pandya hugged the sri lankan batsman

શ્રીલંકા અને ભારત વચ્ચે ચાલી રહેલ પહેલી વન ડે મેચ દરમિયાન એક અનોખુ દ્રશ્ય જોવા મળ્યું, જેની ચર્ચા સમગ્ર ક્રિકેટ જગતમાં થઈ રહી છે.

  • કૃણાલ પંડયાની આ રીત લોકોને આવી પસંદ 
  • કુલચાનો કમાલ 
  • ભુવનેશ્વર કુમારની બોલિંગ ધોવાઈ 

કૃણાલ પંડયાની આ રીત લોકોને આવી પસંદ 
શ્રીલંકા અને ભારત વચ્ચે ચાલી રહેલ પહેલી વન ડે મેચ દરમિયાન એક અનોખુ દ્રશ્ય જોવા મળ્યું, જેની ચર્ચા સમગ્ર ક્રિકેટ જગતમાં થઈ રહી છે. ચાહક વર્ગ જોરદાર રીતે આ વાતને વખાણી રહ્યા છે. આ ઘટનામાં થયું છે એવું કે કૃણાલ પંડયાએ પોતાની બોલિંગ  દરમિયાન જ ચરિતને ગળે લગાવી લીધો.  મુખ્ય રીતે ત્યારે 22 મી ઓવર ચાલી રહી હતી. આ ઓવરના બીજા બોલમાં બેટિંગ કરનાર ધનંજયએ સીધો શૉટ માર્યો.  આ શૉટને પકડવા માટેના પ્રયાસ દરમિયાન નોન સ્ટ્રાઈક પર ઉભેલા બેટ્સમેન ચરિત સાથે અથડાઇ ગયા. જેથી ઊભા થઈ તરત જ મોટું મન રાખી ચરિતને ગળે લગાવી લીધો. ચાહકો કૃણાલના આ વર્તનથી ઘણા ખુશ થઈ ગયા. હવે આ વિડીયો હાલ સોશિયલ મીડિયામાં વાયરલ થઈ રહ્યો છે.  ચાહકો આ વિડીયો શેર કરીને કહે છે કે આ રાહુલ દ્રવિડની સંગતનો કમાલ છે. લોકોનું માનવું છે કે આ બદલાવ રાહુલ દ્રવિડને કારણે આવ્યો છે. 

 

 

કુલચાનો કમાલ 
2019 વર્લ્ડ કપ બાદ એક સાથે મેદાનમાં ઉતરેલી યુઝવેન્દ્ર ચહલ અને કુલદીપ યાદવની જોડીએ આજે મેદાન પર ધમાલ મચાવી હતી. શ્રીલંકા સામે પહેલા વન ડે આ જોડી લગભગ બે વર્ષ બાદ મેદાન પર ઉતરી હતી. ચહલે પોતાની પહેલી જ ઓવરમાં પહેલી જ બોલમાં વીકેટ લીધી હતી જ્યારે કુલદીપ યાદવે એક જ ઓવરમાં બે ખેલાડીઓને પવેલીયન ભેગા કરી દીધા હતા. 

ભુવનેશ્વર કુમારની બોલિંગ ધોવાઈ 
ભારતના સ્પિનરોએ શાનદાર બોલિંગ કરી બતાવી, ખાસ કરીને કૃણાલ પંડયા ખૂબ જ કામના રહ્યા કારણ કે તેણે 26 જ રન આપ્યા અને 1 વીકેટ લીધી. દિપક ચાહરે પણ બે વિકેટ ખેરવી હતી. જોકે આ મેચમાં છેલ્લી ઓવરોમાં ભુવનેશ્વર કુમારને શ્રીલંકાના બેટ્સમેનોએ ધોઈ નાંખ્યો હતો.

India Sri Lanka IND vs SL Krunal Pandya Cricket કૃણાલ પંડ્યા ક્રિકેટ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ