IPL 2022 / VIDEO: કૃણાલ પંડયાએ લીધી હાર્દિકની વિકેટ અને પછી પત્નીએ કર્યું એવું કે VIDEO થયો VIRAL

• પોતાના જ ભાઈને આઉટ કર્યો કૃણાલ પંડ્યાએ 
• પત્નીનું રીએક્શન વાયરલ 
• મેચ બાદ હાર્દિક પંડ્યાએ કહી આ વાત 

કૃણાલ પંડ્યાએ કર્યો પોતાના જ ભાઈને આઉટ

IPL 2022માં સોમવારે ગુજરાત ટાઈટન્સનાં કેપ્ટન હાર્દિક પંડ્યા પોતાના જ ભાઈ કૃણાલ પંડ્યાનાં બોલનો શિકાર બની ગયા, જે તેમની વિરોધી ટીમ લખનૌ સુપરજાયન્ટ્સ તરફથી બોલિંગ કરી રહ્યા હતા. મુંબઈ ઇન્ડિયન્સ માટે વર્ષો સુધી સાથે રમનાર બંને ભાઈ પહેલી વાર એકબીજા વિરુદ્ધ રમી રહ્યા હતા. IPL 2022માં સોમવારે ગુજરાત ટાઈટન્સ અને લખનૌ જાયન્ટ્સ વચ્ચેની મેચમાં બંને ભાઈઓની ટક્કર જોવા મળી. આ મેચ દરમિયાન જ્યારે હાર્દિક પંડ્યા બેટિંગ અને કૃણાલ પંડ્યા બોલિંગ કરી રહ્યા હતા, ત્યારે સિક્સ મારવાના ચક્કરમાં હાર્દિક પંડ્યા આઉટ થઇ ગયા અને આ વિકેટ ભાઈ કૃણાલ પંડ્યાને નામ રહી. 

પત્નીનું રિએક્શન થયું વાયરલ 

Hardik Out On Krunal Pandya Ball.. See the reaction of hardik wife’s after dismissal on youngest Brother ball 🏏👌😊 #krunal #HardikPandya #GujaratTitans #GTvsLSG #LucknowSuperGiants pic.twitter.com/LKXAsCPJqM

— Ankit Kunwar (@TheAnkitKunwar) March 28, 2022

હાર્દિક પંડ્યા અને મેથ્યૂ વેડ ક્રીઝ પર હતા, ત્યારે રન રેટનું દબાણ વધી રહ્યું હતું. આવામાં હાર્દિકે કૃણાલનાં બોલ પર લાંબો શોટ રમવાનો પ્રયાસ કર્યો, પરંતુ ટાઈમિંગમાં માત ખાઈ બેઠા અને મનીશ પાંડેએ સરળતાથી કેચ પકડ્યો. જયારે હાર્દિક પંડ્યા નિરાશ જોવા મળ્યા ત્યારે કૃણાલે તેમની વિકેટની ખુશી ન મનાવતા પોતાના મોં પર હાથ રાખીને હલકું હસતા જોવા મળ્યા. સૌથી દિલચસ્પ દ્રશ્ય જોવા મળ્યું જ્યાં હાર્દિકની પત્ની નતાશા હાજર હતી, તે મૂંઝવણમાં જોવા મળી. હાર્દિકે 28 બોલ્સમાં પાંચ ચોક્કા અને એક છક્કાની મદદથી 33 રન બનાવ્યા. 

ગુજરાતટ ટાઈટન્સ વિજેતા રહી 

We’ve arrived 💪 So proud of the boys for the fight they showed out there 👏 @gujarat_titans pic.twitter.com/LerjplGihP

— hardik pandya (@hardikpandya7) March 28, 2022

ગુજરાત ટાઈટન્સ અને લખનૌ સુપર જાયન્ટ્સ બંને ટીમની IPLમાં આ પહેલી મેચ હતી અને આ મેચમાં પહેલી વાર IPLનાં કપ્તાન રહેલા હાર્દિક પંડ્યાની ટીમ ગુજરાત ટાઈટન્સ વિજેતા રહી. 

મેચ બાદ હાર્દિકે કહી આ વાત 
મેચ બાદ જ્યારે હાર્દિક પંડ્યાને આ બાબતે પૂછવામાં આવ્યું, તો તેમણે કહ્યું હતું કે આઉટ થવું નિરાશાજનક તો હતુ, પરંતુ પછી જીત મળી, જેને કારણે રાહત મળી ગઈ. તેમણે આગળ કહ્યું કે પરિવારમાં બધા ખુશ જ હશે કેમકે એક ભાઈને વિકેટ મળી, તો બીજાને જીત. વીડિયોમાં તમે જોઈ શકો છો કે હાર્દિકને આઉટ કરીને કૃણાલે કોઈ પ્રકારની ખુશી ન મનાવી, પરંતુ તેઓ પણ એક પ્રકારે ઉદાસ જોવા મળ્યા. હાર્દિક પંડ્યા સિક્સ મારવાના પ્રયાસમાં આઉટ થઇ ગયા.