ટીમ ઇન્ડિયાના ઓલરાઉન્ડર હાર્દિક પંડ્યાએ પોતાના ભાઇ કૃણાલ પંડ્યાનો 29મો બર્થડે સેલિબ્રેટ કર્યો હતો. કોરોના વાયરસની દહેશત વચ્ચે બંન્ને ભાઇઓ મસ્તી કરતા નજરે પડ્યા હતા.
હાર્દિક પંડ્યાએ મોટાભાઇ કૃણાલ પંડ્યાના જન્મદિવસની કરી ઉજવણી
સોશિયલ મીડિયા પર શેર કર્યો ફોટો
હાર્દિક પંડ્યાએ સોશિયલ મીડિયા પર પોતાના મોટાભાઇ કૃણાલ પંડ્યાની સાથેની એક તસવીર શેર કરી હતી. પોતાની આ પોસ્ટને હાર્દિકે ઉત્તમ કેપ્શન આપી હતી.
તસવીરમાં હાર્દિક પંડ્યા પોતાના ભાઇ કૃણાલ પંડ્યાને કેક ખવડાવવાનું નાટક કરતો જોવા મળે છે. જો કે, હાર્દિકની આ પોસ્ટ પર મોટી સંખ્યામાં લોકોએ કોમેન્ટ કરી હતી.
નોંધનીય છે હાર્દિક પંડ્યા અને કૃણાલ પંડ્યા બંન્ને ભારતીય ટિમમાં ક્રિકેટ રમે છે. IPLમાં બંન્ને ભાઇ મુંબઇ ઇન્ડિયન્સની ટીમમાંથી રમે છે.
કોરોનાના કહેર વચ્ચે ક્રિકેટરો પરિવાર સાથે વિતાવી રહ્યા છે સમય
કોરોના વાયરસને કારણે સાઉથ આફ્રિકા સામેની વનડે સિરીઝ રદ્દ કરવામાં આવી હતી અને આઈપીએલના આયોજન અંગે પણ શંકા છે, પરંતુ ટીમ ઈન્ડિયાના ક્રિકેટરો આ મુશ્કેલ સમયમાં પરિવાર સાથે સમય વિતાવી રહ્યા છે. સાઉથ આફ્રિકા સામેની વનડે સિરીઝ રદ્દ થવાને કારણે પંડ્યા આંતરરાષ્ટ્રીય ક્રિકેટમાં વાપસી કરી શક્યો ન હતો.