વિશ્વભરમાં તમામને હેરાન કરી મૂકે એવી અનેક જગ્યાઓ છે. ત્યારે એમાંથી કેટલાંકને વિશે તો આજ સુધી મનુષ્ય પણ જાણી શક્યો નથી. આવી જ એક જગ્યા છે જોર્જિયાનાં અબખાજિયામાં આવેલ છે. હકીકતમાં આને દુનિયાની સૌથી બીજા નંબરની ઉંડામાં ઉંડી ગુફા માનવામાં આવે ચે. આ ગુફા એટલી ઉંડી છે કે તેની ઉપરથી જોતા જ લોકો ચીસો પાડવા લાગે છે.
વિશ્વની આ બીજા નંબરની સૌથી ઉંડા ગુફા છે કે જેનું નામ છે ક્રુબેરા ગુફા (Krubera cave). જેની ઉંડાઇ 2197 મીટર એટલે કે 7208 ફુટ છે. આ ગુફા જ્યાં હાજર છે તે એક દુર્ગમ વિસ્તાર છે. તેમ છતાં અહીં દર વર્ષે લાખો લોકોની સંખ્યામાં પ્રવાસીઓ મુલાકાત લેવા આવે છે. અહીં માત્ર વર્ષમાં ચાર મહીના જ જવા માટે વાતાવરણ ઉત્તમ હોય છે.
તમને વધુમાં જણાવી દઇએ કે ક્રુબેરા ગુફાની શોધ 1960માં થઇ હતી. આ ગુફાને વોરોન્યા ગુફાનાં નામથી પણ ઓળખવામાં આવે છે. વોરોન્યાનો અર્થ થાય છે કે કૌઓની ગુફા. એવું જણાવવામાં આવે છે કે આ ગુફાને આ નામ એટલાં માટે આપવામાં આવ્યું છે કે જ્યારે વર્ષ 1980માં પ્રથમ વાર આ ગુફામાં પ્રવેશ કરવામાં આવ્યો ત્યારે ત્યાં કાગડાઓએ પોતાનાં માળા બનાવી રાખ્યા હતાં. અહીં હજારની સંખ્યામાં કાગડાઓ રહેતા હતાં એટલાં માટે આ ગુફાનું નામ વોરોન્યા ગુફા તરીકે ઓળખવામાં આવે છે.
આમ તો આ ગુફાની અંદર અનેક શોધકર્તાઓ જઇ ચૂક્યાં છે પરંતુ વર્ષ 2012માં વિભિન્ન દેશોનાં 59 શોધકર્તાઓનું એક દળ જ્યારે આમાં ઉતર્યુ તો તેની ઉંડાઇ 2197 મીટર એટલે કે 7208 ફુટ માપવામાં આવી છે. આ દળે ગુફાની અંદર કુલ 27 દિવસ વિતાવ્યાં હતાં. જો કે આ ગુફામાં જવા માટે લોકોને સરળતાથી પરવાનગી નથી મળતી.