આખા દેશમાં કોરોનાની બીજી લહેરથી હાહાકાર મચ્યો છે ત્યારે બોલીવૂડના ખાને ટ્વિટ કરીને વડાપ્રધાન મોદી પર નિશાન સાધ્યુ છે.
કોરોનાની પરિસ્થિતિ બની કપરી
કમાલ આર ખાને મોદી સરકાર પર સાધ્યુ નિશાન
ટ્વિટ કરીને દેશને બરબાદ કરવાનો લગાવ્યો આરોપ
ચોતરફ સ્થિતિ બેકાબૂ થઇ રહી છે અને લોકો પોતાને સુરક્ષિત કરવા બનતા બધા ઉપાય કરી રહ્યા છે ત્યારે બોલીવૂડમાં પણ કોરોનાનો કહેર દેખાઇ રહ્યો છે. હાલમાં જ ઘણા સિતારા કોરોનાની ઝપેટમાં આવ્યા હતા. તેની વચ્ચે જ અભિનેતા કમાલ આર ખાને ટ્વિટ કરીને પ્રધાનમંત્રી મોદી પર નિશાન સાધ્યુ છે અને તેમની વ્યવસ્થાને લઇને સવાલ ઉઠાવ્યા છે.
मोदी जी ने बार, बार कहा कि मैं वो करूँगा, जो देश में 70 सालो में नही हुवा! और मोदी जी ने करके दिखा दिया! देश तो बर्बाद किया ही, साथ ही देशवासियों को मरने के लिए सड़क पर भी छोड़ दिया! और इनमें सबसे ज़्यादा भक्त ही हैं!
કમાલ આર ખાને એક નહી પરંતુ 2 ટ્વિટ કરી છે. તેમાં આજની હાલ માટે વડાપ્રધાન મોદીને જવાબદાર ઠેરવ્યા છે. તેની પહેલી ટ્વિટમાં લખ્યુ છે કે, મોદીજીએ વારંવાર કહ્યું કે હું તે કરીશ દે 70 વર્ષમાં દેશમાં નથી થઇ શક્યુ અને મોદીજીએ કરીને બતાવ્યું. દેશ તો બરબાદ કર્યો જ સાથે દેશવાસીઓને મરવા માટે રસ્તા પર છોડી દીધા અને તેમાં સૌથી વધારે ભક્ત જ છે.
કેઆરકે એ બીજી એક ટ્વિટ પણ કરી તેમાં તેણે મોદીજીની તુલના સલમાન ખાન સાથે કરી અને લખ્યું કે, આપણા પીએમ બિલકુલ સલમાન ખાન જેવા થઇ ગયા છે. જે જોવામાં એકદમ કડક અને પોતાને સુપરસ્ટાર માને છે પરંતુ હકીકતમાં તે સુપરફ્લોપ છે.
Actually our PM has become like Salman Khan full arrogant, consider himself superstar but in reality super flop.
કમાલે કોવિડથી બનેલી આ પરિસ્થિતિ પર પણ પોતાની ચિંતા વ્યક્ત કરી છે. તેણે કહ્યું કે, મને વિશ્વાસ નથી થઇ રહ્યો કે હોસ્પિટલ દર્દીઓના પરિવારના લોકોને ઓક્સિજન લાવવા માટે કહી રહ્યાં છે કારણ કે તે નથી લાવી શકતા. આવી સ્થિતિમાં પણ કેટલાક મહાન લોકો કહી રહ્યા છે કે આપણા દેશ પર ગર્વ કરો પરંતુ આ ગર્વ કરવાનો નહી ચિંતા કરવાનો સમય છે.
હાલમાં જ રિચા ચઢ્ઢાએ પણ સરકારી વ્યવસ્થાઓ પર નારાજગી જતાવી હતી. તેણે કહ્યું હતુ કે, આપણી પાસે 20 સ્માર્ટ સીટી છે આપણે સુપર પાવર પણ બની જઇશુ અને આપણી પાસે 5 ટ્રીલીયન અર્થવ્યવસ્થા અને નોકરીઓ હશે. તમે એવુ કહી શકો કે આમાં સહેજ પણ સત્ય નથી. આજના સમયમાં આપણી પાસે ઓક્સિજન સિલિન્ડર, દવાઓ, બેડ અને વેક્સિન તેમજ સ્મશાનમાં લાકડા પણ નથી.