IPLIN
 

Video / સારા અલી ખાનની આવી ભૂલને કારણે બોલિવૂડના આ ખાને લીધો તેનો ઉધડો, વીડિયો થઈ રહ્યો છે વાયરલ

Team VTV 11:53 AM, 05 Jun 20
Follow us
Krk troll sara ali khan for her all lives matter post mocks actress for this reason video

દેશ-વિદેશમાં અશ્વેત નાગરિક જ્યોર્જ ફ્લોયડની પોલીસ કસ્ટડીમાં મોત મામલે સમગ્ર દુનિયામાં આક્રોશ ફાટી નીકળ્યો છે. ત્યારે બોલિવૂડ સેલેબ્સે પણ અમેરિકામાં થયેલી આ ક્રૂર ઘટના પર રોષ વ્યક્ત કર્યો છે. સોશિયલ મીડિયા પર બ્લેક લાઈવ્સ મેટર મૂવમેન્ટ પણ ટ્રેન્ડ કરી રહ્યું છે. આ દરમિયાન બોલિવૂડની ટેલેન્ટેડ એક્ટ્રેસ સારા અલી ખાને એક એવી પોસ્ટ કરી જેના કારણે તેને સોશિયલ મીડિયા પર ખૂબ જ ટ્રોલ કરવામાં આવી રહી છે. આ કેસ અંગે ગુસ્સો વ્યક્ત કરવામાં આવી રહ્યો છે.

  • આ ભૂલને કારણે સોશિયલ મીડિયા પર ટ્રોલ થઈ સારા
  • એક્ટર કમાલ ખાને સારા પર સાધ્યું નિશાન
  • બ્લેક લાઈવ્સ મેટરને લઈને સારા થઈ ટ્રોલ

કેઆરકેએ લગાવી સારાની ક્લાસ

હવે કમાલ ખાન એટલે કે કેઆરકેએ પણ સારા અલી ખાન પર નિશાન સાધ્યું છે. કેઆરકેએ સારા અલી ખાનની મજાક ઉડાવતા તેની નકલ ઉતારી છે. વીડિયોમાં કેઆરકેએ કહ્યું- મિત્રો, સારા ખૂબ જ દુઃખી છે. અમેરિકામાં જે અશ્વેતની મોત થઈ અને ભારતમાં હાથણીની મોત થઈ ગઈ.  આ બંને ઘટનાને કારણે સારા ખૂબ જ દુઃખી છે અને રડી રહી છે. બહુ જ પરેશાન છે. 

કેઆરકેએ આગળ કહ્યું- જ્યારે હજારો મહિલાઓ, બાળકો અને વૃદ્ધો, યુવાનો રસ્તાઓ પર પગપાળા કરતાં મરી ગયા. ટ્રેનમાં મુસાફરી દરમિયાન ભૂખ્યા મરી ગયા પણ સારાને કોઈ દુઃખ ન થયું. તે ત્યારે ઊંઘી રહી હતી. હવે જાગી છે. તેને ખબર હોત આ બધાંની પણ તે તો ખૂબ રડતી. તમને લોકોને શરમ નથી આવતી, થોડી તો શરમ કરો, જીવનમાં થોડી શરમ તો હોવી જોઈએ. આ દરમિયાન કેઆરકેએ રડવાની એક્ટિંગ પણ કરી છે. 

જોકે, યુઝર્સે કેઆરકેના આ વીડિયોને બહુ સીરિયસલી ન લીધું, પણ તેઓ કેઆરકેની એક્ટિંગ પર કમેન્ટ કરી રહ્યાં છે. એક શખ્સે લખ્યું- ભાઈ જો તમે દેશદ્રોહી ફિલ્મમાં આવી એક્ટિંગ કરતા તો આજે તે ફિલ્મ બ્લોકબસ્ટર હોત. 

કેમ ટ્રોલ થઈ રહી છે સારા અલી ખાન

હકીકતમાં સારા અલી ખાનએ એક તસવીર પોસ્ટ કરી હતી. જેમાં તેણે બ્લેક શબ્દને ક્રોસ કરી ઓલ લાઈવ્સ મેટર લખ્યું હતું. સાથે જ પોસ્ટમાં અલગ-અલગ કલરના હાથ બનેલા હતા અને લાસ્ટમાં હાથીની સૂંઢ પણ હતી. હવે સારાએ આ પોસ્ટ ડિલીટ કરી દીધી છે. આ પોસ્ટ સામે આવ્યા બાદ લોકોએ સારા અલી ખાનના એજ્યુકેશન પર પણ સવાલો ઊભા કર્યા. ટ્રોલર્સે સારાની કોલંબિયા યૂનિવર્સિટીની ડિગ્રી પર પણ સવાલ ઊભા કર્યા છે. 

KRK TROLL Sara Ali Khan all lives matter post mocks actress Video Bollywood News
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ