IPLIN
 

બોલિવૂડ / KRKએ વાહિયાત ગણાવી સલમાનની ફિલ્મ 'દબંગ 3', કહ્યું-આ શું મજાક છે ભાઈ

Team VTV 07:35 PM, 19 Dec 19
Follow us
KRK review salman khan film dabangg three and said that its a very bad film

સલમાન ખાનની બહુચર્ચિત ફિલ્મ 'દબંગ 3'ને લઈને દર્શકોમાં ક્રેઝ જોવા મળી રહ્યો છે, જોકે, ફિલ્મના પ્રીમિયરની ખાસ કોઈ પ્રતિક્રિયા સામે આવી નથી. ભારતમાં આ ફિલ્મની પહેલી સ્ક્રીનિંગ 19 ડિસેમ્બર એટલે કે આજે મુંબઈના પીવીઆરમાં રાતે 8 વાગ્યે થશે અને આ સ્ક્રીનિંગમાં બોલિવૂડની અનેક હસ્તીઓ હાજરી આપવાની છે. આ ફિલ્મનું ઈન્ટરનેશનલ સ્ક્રીનિંગ પહેલાં જ દુબઈમાં થઈ ચૂક્યું છે અને ફિલ્મના રિવ્યૂ આપનાર અને બિગ બોસ શોના કન્ટેસ્ટન્ટ રહી ચૂકેલા કમાલ આર ખાને દાવો કર્યો છે કે તેણે આ ફિલ્મ જોઈ લીધી છે અને આ ફિલ્મને લઈને તેણે ઘણાં નેગેટિવ રિવ્યૂ આપ્યા છે.

  • KRKએ આપ્યું દબંગ 3નું રિવ્યૂ
  • KRKએ કહ્યું, આ ફિલ્મ એક ટોર્ચર છે
  • 20 ડિસેમ્બરે રિલીઝ થશે ફિલ્મ

કેઆરકે ટ્વિટમાં લખ્યું કે, 1 કલાકની ફિલ્મ જોઈ લીધી અને મને સમજાઈ નથી રહ્યું કે આ ફિલ્મમાં ચાલી શું રહ્યું છે. આ એક ટોર્ચર છે. ઈન્ટરવલ થયું છે અને સલમાન અને સઈની લવ સ્ટોરી ખતમ થઈ ગઈ કારણ કે વિલને સઈને મારી નાખી છે. ચુલબુલ હજી પણ 25 વર્ષથી બેરોજગાર યુવાન છે. શું તમે સીરિયસ છો સલમાન સાહબ? આ શું મજાક છે યાર. ફિલ્મનો 30 ટકા ભાગ સ્લો મોશનમાં છે, જેથી ભાઈના રિક્ષાવાળા ફેન્સ સિંગલ સ્ક્રીન થિયેટર્સમાં બૂમો પાડી શકે અને તાળીઓ પાળી શકે. આ ફિલ્મ મરજાવાં જેવી છે. જો 90ના દાયકામાં આ ફિલ્મ રિલીઝ થતી તો તે બ્લોકબસ્ટર સાબિત થતી. 

ફેન્સથી પણ નેગેટિવ પ્રતિક્રિયા મળી છે

દબંગ 3ના ઈન્ટરનેશનલ પ્રીમિયર પહેલાં જ કેટલાક લોકોએ આ ફિલ્મના રિવ્યૂ શેર કર્યા હતા અને ઘણાં ફેન્સએ કહ્યું કે ફિલ્મ દબંગ અને દબંગ 2 જેવું કમાલ દેખાડી શકી નથી અને ઘણાં લોકોએ તો આ ફિલ્મને આ ફ્રેન્ચાઈઝીની સૌથી ખરાબ ફિલ્મ જણાવી. ઉલ્લેખનીય છે કે, આ ફિલ્મથી ડિરેક્ટર એક્ટર મહેશ માંઝરેકરની દીકરી સઈ મંઝરેકરે ડેબ્યૂ કર્યું છે. આ ફિલ્મ સમગ્ર દેશમાં કાલે રિલીઝ થવાની છે. આ ફિલ્મ પ્રભુદેવાએ ડિરેક્ટ કરી છે. આ સિવાય પ્રભુદેવા સલમાનની ફિલ્મ રાધેનું પણ ડિરેક્શન કરી રહ્યા છે. 

Salman khan Dabangg 3 Sonakshi Sinha દબંગ 3 કેઆરકે
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ