ફિલ્મ ક્રિટિક કમાલ આર ખાને રાધે ફિલ્મનો રિવ્યૂ કર્યો અને બાદમાં તે ખુબ વાયરલ થયો હતો અને ત્યારથી સલમાન અને કેઆરકે વચ્ચે લડાઈ શરૂ થઈ ગઈ છે. ત્યારે હવે કેઆરકેએ એક ટ્વિટમાં સલમાનને રોડ પર લાવવાની વાત કહી નાંખી.
ફરી એક વાર કરી છે ટ્વિટ
ટ્વિટમાં કોઈ પણ સેલિબ્રિટીનું નામ ન લખ્યું
લોકોનું માનવું છે કે આ ટ્વિટ સલમાનખાન માટે જ લખી છે
ફરી એક વાર કરી છે ટ્વિટ
કમાલ આર ખાન જ્યારે હોય ત્યારે કોઈ પણ સેલિબ્રિટી પર ટીકા ટિપ્પણી કરતાં હોય છે. હમણાં જ સલમાન ખાન સાથે થયેલો વિવાદ સમગ્ર બોલીવૂડ પર આવી ગયો છે. કેઆરકે એક પછી એક ટ્વિટના માધ્યમથી પોતાની વાત લોકો સમક્ષ મૂકી રહ્યા છે. આ વખતે તેણે ટ્વિટ કરીને લખ્યું છે કે તે કોઈ પણ બોલિવૂડના ગુંડાથી ડરતા નથી અને તે બીજા સુશાંતસિંહ રાજપૂત નહીં બને. હવે આ બૉલીવુડનો ગુંડો કોણ છે તેનું નામ તેણે લખ્યું નથી, પણ લોકોનું માનવું છે કે આ ટ્વિટ સલમાન ખાનને સંબોધિત કરવામાં આવી છે.
શું છે આ સમગ્ર મામલો
તમને જણાવી દઈએ કે, કેઆરકે એટલે કે કમાલ આર ખાને ટ્વિટ કરીને સલમાન ખાનની ફિલ્મની ખૂબ ટીકા કરી હતી. જે બાદ સલમાને કેઆરકે પર માનહાનિનો દાવો કર્યો છે અને નોટિસ ફટકારી. એ પછી કેઆરકે સલમાન વિરૂદ્ધ એક પછી એક ટ્વિટ કરીને પોતાનો ગુસ્સો ઠાલવી રહ્યો છે. ત્યારે હાલમાં ફરી તેણે એક વાંધાજનક ટ્વિટ કરી છે જે ખૂબ વાયરલ થઈ રહી છે.
કેઆરકેએ પોતાની ટ્વિટમાં ભાઈજાનને રસ્તા પર લાવવાની વાત કહી છે. તેણે ટ્વિટ કરીને લખ્યું, સાંભળ્યું છે કે તેણે ઘણાં લોકોના કરિયર ખતમ કરી દીધા છે. જેણે પણ તેના વિરૂદ્ધ કંઈ કહ્યું છે, તેણે એ લોકોને બરબાદ કરી નાખ્યું. હવે હું તેનું કરિયર બરબાદ કરી નાંખીશ અને તેને રસ્તા પર લાવી દઈશ. એ પછી વધુ એક ટ્વિટમાં કેઆરકેએ લખ્યું-મને બોલિવૂડમાંથી ઘણાં ફોન આવી રહ્યાં છે. ઘણાં લોકો ટ્વિટ કરીને સજાની માંગ પણ કરી રહ્યાં છે અને ઘણાં લોકોએ તો એવું પણ કહ્યું કે તમને મારી નાખીશું. તમારી ચિંતા બદલ આભાર. પણ હું એનાથી ડરતો નથી. હું સત્ય માટે લડતો રહીશ. જોકે, કેઆરકેની આવી ટ્વિટ્સ બાદ હજી સુધી સલમાન તરફથી કોઈ પ્રતિક્રિયા આવી નથી.
ઘરમાં થઈ ગઈ ચોરી
કેઆરકે એ ઇન્સ્ટાગ્રામ પર સીસીટીવી ફૂટેજ શેર કરીને લખ્યું છે કે, 'ગત રાત્રે આ શખ્સ મારા ઘરમાં ઘૂસ્યો અને તેણે સેફ તોડી નાંખ્યું અને બધી જ કેસ લઇને ફરાર થઇ ગયો છે. આશા છે કે, મુંબઇ પોલીસ જલ્દી જ તેને પકડી લેશે. વીડિયોમાં એક વ્યક્તિ સીડીઓ ચડતો જોવા મળી રહ્યો છે. તેણે તેનું મો ઢાકેલું છે KRKનું કહેવું છે કે, વ્યક્તિ બારી તોડીને ઘરમાં ઘૂસ્યો. અહીં તેણે લોકર તોડીને બધું કેસ કાઢી ફરાર થઈ ગયો.