બોલીવૂડ / સલમાન ખાનની 'કભી ઈદ કભી દિવાલી' માટે આ એક્ટ્રેસનું નામ સૌથી વધુ ચર્ચામાં

• સલમાન હાલમાં પ્રભુદેવાની રાધે ફિલ્મ પર કરી રહ્યો છે કામ 
• આવતા વર્ષે ઈદ પર આવશે કભી ઈદ કભી દિવાલી 
• સલમાનનાં ઓપોઝીટ કૃતિ સેનનની થઇ શકે છે પસંદગી 

હાલમાં જ દબંગ 3ની રીલીઝ બાદ હાલમાં સલમાન ખાન રાધે ફિલ્મ પર કામ કરી રહ્યા છે. જોકે સલમાને 2021ની ઈદ માટે પણ એક ફિલ્મનું એલાન અત્યારથી કરી દીધું છે. કભી ઈદ કભી દિવાલી આવતા વર્ષે રીલીઝ થઇ જશે. શુક્રવારે જ તેમણે જાહેરાત કરી હતી કે તેઓ પ્રોડ્યુસર સાજીદ નડિયાદવાલા અને ડાયરેક્ટર ફરહાદ સમજી સાથે મળીને આ ફિલ્મ કરી રહ્યા છે. 

હવે આ ફિલ્મ માટે કૉ સ્ટાર માટે અલગ અલગ રીપોર્ટ સામે આવી રહ્યા છે. જો આ અહેવાલોનું માનીએ તો કૃતિ સેનન આ ફિલ્મમાં સામેલ થઇ શકે છે. લાગી રહ્યું છે કે પસંદ કરી દેવામાં આવી છે છતાં ફિલ્મનાં નિર્માતાએ હજુ આ સમાચાર કન્ફર્મ કર્યા નથી. સોશિયલ મીડિયામાં આ વાત ફેલાઈ ગઈ છે કે સલમાન અને કૃતિ આ ફિલ્મમાં સામેલ થશે. 

ઉલ્લેખનીય છે કે સાજીદ નડિયાદવાલાએ જ કૃતિ સેનનને હિરોપંતીમાં કરી હતી. વધુ એક ઇન્ટરેસ્ટિંગ માહિતી એ છે કે કૃતિ સેનન અત્યારે નડિયાદવાલા અને ફરહાદ સમજીની ફિલ્મ બચ્ચન પાંડેમાં કામ કરી રહી છે જે 2020ની ક્રિસમસ પર રીલીઝ થઇ શકે છે. કભી ઈદ કભી દીવાલી ફિલ્મમાં હાલ તો સલમાન ખાનનાં રોલ પર સસ્પેન્સ રાખવામાં આવ્યો છે. હાલમાં સલમાન ખાન દબંગ 3નાં જ ડાયરેકટર પ્રભુ દેવાની ફિલ્મ રાધે : યોર મોસ્ટ વોન્ટેડ ભાઈનું શૂટિંગ કરી રહ્યા છે. આ ફિલ્મ 2017માં રીલીઝ થયેલ કોરિયન ફિલ્મની રીમેક છે.