કૃતિ સેનન અને કાર્તિક આર્યન બંને સારા મિત્રો છે અને ઘણીવાર સોશિયલ મીડિયા પર એકબીજાની પોસ્ટ પર કોમેન્ટ કરતા હોય છે. હાલમાં જ જ્યારે બંનેના લિન્ક-અપની ચર્ચાએ જોર પકડ્યું ત્યારે અભિનેત્રીએ આ સંબંધની વિશે ખુલાસો કર્યો
શું કૃતિ અને કાર્તિક કરી રહ્યા છે ડેટ?
બન્નેના લિન્ક-અપની ચર્ચા જોર પર
જાણો કૃતિ સેનને શું કહ્યું
થોડા દિવસો પહેલા અભિનેત્રી કૃતિ સેનન અને કાર્તિક આર્યનના લવ અફેરને લઈને ચર્ચાઓ જોરશોરમાં હતી. પરંતુ શું એ વાત સાચી છે કે બંને એકબીજાને ડેટ કરી રહ્યાં છે?
કૃતિ સેનને કરી સ્પષ્ટતા
કૃતિ સેનન અને કાર્તિક આર્યન બંને સારા મિત્રો છે અને ઘણીવાર સોશિયલ મીડિયા પર એકબીજાની પોસ્ટ પર કોમેન્ટ કરતા હોય છે. હાલમાં જ જ્યારે બંનેના લિન્ક-અપની ચર્ચાએ જોર પકડ્યું ત્યારે અભિનેત્રીએ પોતાના રિલેશનને લઈને ખુલાસો કર્યો છે.
હાલમાં જ એક ન્યૂઝ પોર્ટલને આપેલા ઈન્ટરવ્યુમાં કૃતિએ આ અફવા વિશે કહ્યું હતું કે, લોકોએ કંઈપણ કહેતા કે સાંભળતા પહેલા સત્ય જાણવું જોઈએ. અભિનેત્રીએ આગળ કહ્યું કે મને ખબર નથી કે સોશિયલ મીડિયા આપણા માટે સારી વસ્તુ છે કે ખરાબ, કારણ કે લોકો તેના પર ઘણી વખત વાતો કરવાનું શરૂ કરે છે.
કૃતિ સેનને સ્પષ્ટતા કરી કે જો તમે મને નાની અફવાઓ વિશે પૂછો તો તમને જણાવી દઉ કે મને આ બધું બિલકુલ પરેશાન કરતું નથી. તમે લોકો જે વિચારો છો કાશ મારું જીવન તેટલું જ રસપ્રદ હોત જેટલું તમને લાગે છે.
આ બધુ મારા કામનો એક ભાગ છે
કૃતિ એ વાત પર સહમત થઈ કે એક પબ્લિક ફિગર હોવાના કારણે સતત ચર્ચામાં રહેવું તેના કામનો એક ભાગ છે. જો કે, તેણે એમ પણ કહ્યું કે એવી વસ્તુઓ છે જે તેને પરેશાન કરે છે. કૃતિએ કહ્યું કે કેટલીકવાર તમારા વિશે લખવામાં આવે છે અને પછી તમે તેના વિશે જે પણ બોલો છો લોકો તેના વિશે રિસર્ચ કરવા લાગે છે.
અભિનેત્રીએ કહ્યું કે સારી વાત એ છે કે મારા વિશે જે પણ લખાય છે તે ઝડપથી દૂર થઈ જાય છે, કારણ કે લોકોની યાદશક્તિ ઘણી ઓછી હોય છે. જેમ કે સફળતા અને નિષ્ફળતા હંમેશા સરખી નથી હોતી.