એક પછી એક હિટ ફિલ્મ બાદ ક્રીતિએ પોતાની ફી પહેલાંની સરખામણીએ વધારી દીધી છે. સૂત્રોએ જણાવ્યું કે સેરોગસી પર આધારિત પોતાની આગામી ફિલ્મમાં તેણે તગડી ફી માગી છે. ફિલ્મ 'બરેલી કી બર્ફી'ની સફળતા તેની કરિયર માટે મહત્ત્વની સાબિત થઇ.
ક્રીતિ સેનનની છેલ્લી ફિલ્મ 'લુકાછુપી' ઉપરાંત તાજેતરમાં રિલીઝ 'કલંક'ના આઇટમ સોંગ 'એરા ગેરા...'માં પણ પસંદ કરાઇ હતી. આવનારા દિવસોમાં 'અર્જુન પટિયાલા', 'હાઉસફુલ-૪' અને 'પાનીપત' જેવી મોટી ફિલ્મોમાં જોવા મળનારી ક્રીતિનું માનવું છે કે ઇન્ડસ્ટ્રીમાં ટકી રહેવા માટે ખુદને સાબિત કરવી પડે છે. તે કહે છે કે પક્ષપાત દરેક ઇન્ડસ્ટ્રીમાં હોય છે, પરંતુ તેનાથી કોઇ ફરક પડતો નથી.
પહેલો મોકો અવશ્ય મળે છે, પરંતુ બાદમાં તમારી પ્રતિભાના દમ પર આગળ વધવું પડે છે. ઇન્ડસ્ટ્રીમાં રહેનારા લોકોનું ધ્યાન પહેલાં સ્ટારિકડ પર કેન્દ્રિત થાય છે તે વાત સાચી છે. એવા સંજોગોમાં આઉટ સાઇડરે પોતાની જાતને સાબિત કરવાની જરૂર પડે છે, પરંતુ આવું કરનારા લોકોની કમી નથી.
એક પછી એક હિટ ફિલ્મ બાદ ક્રીતિએ પોતાની ફી પહેલાંની સરખામણીએ વધારી દીધી છે. સૂત્રોએ જણાવ્યું કે સેરોગસી પર આધારિત પોતાની આગામી ફિલ્મમાં તેણે તગડી ફી માગી છે. ફિલ્મ 'બરેલી કી બર્ફી'ની સફળતા તેની કરિયર માટે મહત્ત્વની સાબિત થઇ.
ત્યાર બાદ ફિલ્મ 'લુકાછુપી'ની સફળતાએ બોલિવૂડમાં તેની ધાક જમાવી દીધી. ફિલ્મમાં ક્રીતિ અને કાર્તિક આર્યનની જોડીને પણ ખૂબ જ પસંદ કરાઇ છે. બંનેની એક્ટિંગની પણ ખૂબ પ્રશંસા થઇ છે. 'લુકાછુપી' બહુ ઓછા બજેટમાં બનેલી ફિલ્મ હતી, પરંતુ આ ફિલ્મે ખૂબ કમાણી કરી. એવું કહેવાય છે કે ક્રીતિ હવે બધું ધ્યાન તેની આગામી ફિલ્મો પર આપી રહી છે.