એક્ટ્રેસ કૃતિ ખરબંદાએ અમિતાભ બચ્ચન અને ઈમરાન હાશમી સ્ટારર ફિલ્મ 'ચેહરે' છોડ્યા બાદ બોલિવૂડમાં હલચલ મચી ગઈ છે અને કૃતિએ ફિલ્મ છોડી તેની ચર્ચાઓ થઈ રહી છે. ત્યાં હવે 'ચેહરે' ફિલ્મના મેકર્સ બીજી એક્ટ્રેસની શોધમાં લાગી ગયા છે. એવી પણ ચર્ચા છે કે આ ફિલ્મ માટે એક્ટ્રેસ અંકિતા લોખંડેને એપ્રોચ કરવામાં આવી રહી છે. જોકે હાલ અંકિતાએ ઓફિશિયલી એન્ટ્રી નથી લીધી પરંતુ, તેણે મૌખિક રીતે ફિલ્મ માટે સંમતિ આપી દીધી છે. આ ફિલ્મ માટે અન્ય બે એક્ટ્રેસ સાથે પણ વાત કરવામાં આવી છે.
કૃતિએ અમિતાભ બચ્ચન અને ઈમરાન હાશમી સ્ટારર ફિલ્મમાંથી કર્યું એક્ઝિટ
ફિલ્મ માટે એક્ટ્રેસ અંકિતા લોખંડેને કરાઈ એપ્રોચ
ફિલ્મમાં ઈન્ટીમેટ સીન હોવાથી કૃતિએ આ ફિલ્મ છોડી
એવા પણ સમાચાર છે કે ટીવી એક્ટ્રેસ ક્રિસ્ટલ ડિસૂઝા અને મોની રૉયે આ ફિલ્મના પ્રોડ્યૂસર આનંદ પંડિત સાથે મુલાકાત કરી છે. આ સિવાય 'સેક્રેડ ગેમ'માં કામ કરી ચૂકેલી એક્ટ્રેસ એલનાઝ નૌરોજીનું નામ પણ ફિલ્મ માટે સામે આવ્યું હતું.
એવી ચર્ચા છે કે ફિલ્મ 'ચેહરે'માં એક ઈન્ટીમેટ સીન હોવાથી કૃતિએ આ ફિલ્મ છોડી. આ સીનમાં તેને લિપલૉક કરવાના હતા. કૃતિએ એક એક્ટર સાથે ઈન્ટીમેટ થવાનું હતું અને ઈમરાન હાશમી બીજા રૂમમાં આ બંનેને જોઈ રહ્યો હોય એવો સીન શૂટ કરવાનો હતો. કૃતિ આ સીન માટે કમ્ફર્ટેબલ નહોતી. આ અંગે તેણે ફિલ્મ મેકર્સ સાથે વાત પણ કરી છતાં કોઈ સોલ્યૂસન ન આવતા અંતે તેણે ફિલ્મ છોડવાનો નિર્ણય લીધો.
પહેલાં એવી ચર્ચા હતી કે કૃતિના નખરાઓને કારણે તેને ફિલ્મમાંથી બહાર કરવામાં આવી છે, જોકે, ફિલ્મના પ્રોડ્યૂસર આનંદ પંડિતે ટ્વિટ કર્યું કે કૃતિ અને ફિલ્મ મેકર્સે પરસ્પર સંમતિથી આ નિર્ણય લીધો છે.