સ્પોર્ટ્સ / ભારતનો 'પ્રસિદ્ધ' બૉલર છવાયો : કૃષ્ણાએ ડેબ્યુ મૅચમાં જ તોડ્યો 24 વર્ષ જૂનો રેકોર્ડ

• ડેબ્યુ મૅચમાં છવાયો પ્રસિદ્ધ કૃષ્ણા
• પહેલી જ મૅચમાં તોડ્યો 24 વર્ષ જૂનો રેકોર્ડ
• જેસન સહિત 4ની વિકેટ લીધી 

 

 

 

 

View this post on Instagram

 

 

 

 

 

 

 

 

 

 

 

A post shared by Prasidh Krishna (@skiddyy)

તે વન ડે ઇન્ટરનેશનલમાં ડેબ્યુ પર ચાર વિકેટ લેનાર પહેલો ભારતીય બોલર બની ગયો છે. તેના પ્રદર્શનના કારણે ભારતે ઇંગ્લેન્ડને પહેલી જ મૅચમાં 66 રનથી હરાવીને 1-0થી આગળ આવી ગયુ છે. ત્રણ મૅચની સીરિઝની બીજી મૅચ શુક્રવારે પૂણેમાં જ રમાશે. 

પ્રસિદ્ધ કૃષ્ણાએ 8.1 ઓવરમાં 54 રન આપીને ચાર વિકેટ લીધી હતી. જેમાં એક મેડન ઓવર પણ સામેલ હતો. કૃષ્ણાએ જેસન રોય, બેન સ્ટોક્સ, સેમ બિલિગ્સ અને ટોમ કુરેનની વિકેટ લીધી હતી. આ સાથે જ કૃષ્ણાએ વન ડે ઇન્ટરનેશનલમાં ડેબ્યુ પર નોએલ ડેવિડનો 24 વર્ષ જૂનો રેકોર્ડ પણ તોડી નાંખ્યો છે. સ્પિન બોલર ડેવિડે 1997માં વેસ્ટઇન્ડિઝ વિરુદ્ધ 21 રન આપીને ત્રણ વિકેટ લીધી હતી. જે ડેબ્યુ મૅચમાં સર્વશ્રેષ્ઠ બોલિંગનો રેકોર્ડ હતો. આ પહેલા  કોઇ ભારતીય બોલર પોતાની ડેબ્યુ મૅચમાં ચાર વિકેટ નથી લઇ શક્યું. 

 

 

 

 

View this post on Instagram

 

 

 

 

 

 

 

 

 

 

 

A post shared by Prasidh Krishna (@skiddyy)

આ મૅચમાં પ્રસિદ્ધ કૃષ્ણાની શરૂઆત સારી નહોતી રહી. ઇંગ્લેન્ડના ઓપનર્સ જેસન રોય અને જોની બેયરસ્ટોએ કૃષ્ણાની ધોલાઇ કરી હતી પરંતુ બાદમાં શાનદાર વાપસી કરતા જેસન રોયને આઉટ કર્યો હતો અને ભારતને પહેલી સફળતા અપાવી હતી. 

25 વર્ષનો કૃષ્ણા ઘરેલૂ ક્રિકેટમાં કર્ણાટક માટે રમે છે. હાલિયા વિજય હજારે ટ્રોફીમાં તેણે સાત મૅચમાં 24.5ની ઔસતથી 14 વિકેટ લીધી હતી. કૃષ્ણાએ 40 ઘરેલૂ ટી 20માં 33 વિકેટ લીધી છે.