ના હોય ! / 26 દિવસમાં આટલા લાખ લોકોને વૅક્સિન આપીને ભારતે સર્જ્યો વર્લ્ડ રેકોર્ડ

• દેશમાં અત્યાર સુધી 74.30 ફ્રન્ટલાઈન વર્કર્સને કોરોના વેક્સિન મળી ચૂકી છે. 
• ખૂબ ઓછા સમયમાં કોરોના વેક્સિન બનાવનાર દેશ તરીકેનુ બહુમાન પણ ભારતને હાંસલ થયું
• દેશમાં રસીકરણનો આરંભ થયા બાદ 26 દિવસની અંદર ભારતે આ ઉપલબ્ધિ હાંસલ કરી દેખાડી

એટલું જ નહીં પરંતુ ખૂબ ઓછા સમયમાં કોરોના વેક્સિન બનાવનાર દેશ તરીકેનુ બહુમાન પણ ભારતને હાંસલ થયું છે. દેશમાં રસીકરણનો આરંભ થયા બાદ 26 દિવસની અંદર ભારતે આ ઉપલબ્ધિ હાંસલ કરી દેખાડી છે.

અમેરિકાએ 26 દિવસમાં 65 લાખ લોકોને વેક્સિન આપી.

માહિતી બ્યૂરો તરફથી જારી થયેલા ગ્રાફ પ્રમાણે ભારતે ફક્ત 26 દિવસમાં 70 લાખ કરતા પણ વધારે લોકોને કોરાનાની વેક્સિન આપી. ભારતે અમેરિકાને પણ પાછળ રાખ્યો છે. અમેરિકાએ 26 દિવસમાં 65 લાખ લોકોને વેક્સિન આપી. તો ઈઝરાઈલે 20 લાખ તો સ્પેને 10 લાખ લોકોને રસી આપી. 

India 🇮🇳 becomes fastest in the world to reach 70 lakh vaccinations against #COVID19 in only 26 days#LargestVaccineDrive #IndiaFightsCorona pic.twitter.com/QKDh1U6UvP

— PIB India (@PIB_India) February 11, 2021

કોરોના સામેની લડાઈ  સરળ  નહોતી 
ભારત જ નહીં વિશ્વ માટે પણ કોરોના વાયરસની લડાઈ મુશ્કેલ રહી છે. આ લડાઈમાં દેશમાં લગભગ 734 ડોક્ટરે પોતાના જીવ ખોવ્યા છે. કોરોનાની લડાઈમાં ભારતે વેક્સીનેશન શરૂ કરીને આ લડાઈમાં મોટો વિજય મેળવ્યો છે. હેલ્થ વર્કર્સ બાદ ફ્રન્ટ લાઈન વર્કર્સને કોરોનાની વેક્સીન લગાવાશે. કેન્દ્રીય સ્વાસ્થ્ય મંત્રાલયના સચિવ રાજેશ ભૂષણે કહ્યું છે કે અમે રાજ્યો અને કેન્દ્ર શાસિત પ્રદેશોને સલાહ આપી છે કે 1 માર્ચ 2021 સુધી દરેક ફ્રન્ટ લાઈન વર્કર્સને વેક્સીન આપી દેશું.