કોન બનેગા કરોડપતિ અમરાવતીમાં રહેતી બબિતા આ સીઝનની બીજી કરોડપતિ બનવાની છે જેની કહાની પણ ખૂબ જ પ્રેરણા આપનારી છે. ખિચડી બનાવીને મહિને 1500 રૂપિયા કમાય છે.
કોન બનેગા કરોડપતિની સીઝન-11માં રોમાંચ સતત વધતો જઇ રહ્યો છે. બિહારના સનોજ રાજના રૂપમાં સીઝનનો પહેલો કરોડપતિ મળી ચુક્યો છે અને જલ્દીથી શો નો બીજો કરોડપતિ મળનાર છે. હવે સીઝનનો જે બીજો કરોડપતિ હશે, એની કહાની પણ ખૂબ પ્રેરણા આપનારી છે, જે ઓછા સંસાધનોને કેવી રીતે જીવનમાં ઉપયોગ કરે છે અને ખુશ રહેવાનો પ્રયત્ન કરે છે. સીઝનની બીજી કરોડપતિનું નામ બબિતા છે.
સોની ટીવી તરફથી જારી કરવામાં આવેલા એપિસોડ પ્રોમોમાં જોવા મળ્યું છે કે અમરાવતીની રહેવાસી બબિતા એક કરોડ જીતી જાય છે. આ પ્રોમોમાં દેખાડવામાં આવ્યું છે કે પહેલા અમિતાભ બચ્ચન 1 કરોડ વાળો 15મો પ્રશ્ન પૂછે છે અને એ જાહેરાત કરે છે કે તમે 1 કરોડ રૂપિયા જીતી ગયા છો. હવે બબિતા 7 કરોડ રૂપિયાના પ્રશ્નનો સામનો કરશે. જોવાનું એ છે કે બબિતા 7 કરોડના પ્રશ્નનો જવાબ આપી શકે છે કે નહીં.
સીઝનની આગળની કરોડપતિ ગેમની સાથે એની અસલ જીંદગીની કહાની પણ ખૂબ પ્રેરણાદાયક છે. પ્રોમોમાં દેખાડવામાં આવ્યું છે કે બબિતાનું જીવન સંઘર્ષોથી ભરેલું છે અને બબિતા ખુદ પોતાના માટે જણાવે છે. પોતાના માટે જણાવતા બબિતા કહે છે, 'હું સ્કૂલમાં ખિચડી બનાવવાનું કામ કરું છું. બાળકોને મારી બનાવેલી ખિચડી ખૂબ જ ભાવે છે.' વીડિયોમાં એમની લાઇફ જર્ની પણ દેખાડવામાં આવી છે, જેમાં એ બાળકો માટે ખિચડી બનાવી રહી છે અને બાળકોને ખિચડી ખવડાવી રહી છે.
એ દરમિયાન અમિતાભ બચ્ચન એને પૂછે છે કે તમને પગાર કેટલો મળે છે? આ પ્રશ્નના જવાબમાં બબિતા હસીને કહે છે કે 1500 રૂપિયા. આ સમયમાં 1500 રૂપિયા પગાર માટે સાંભળીને અમિતાભ ખુદ હેરાન થઇ જાય છે. હવે પ્રસારિત થનાર એપિસોડમાં જોવા મળશે કે એ કેટલા રૂપિયા જીતી શકે છે અને એનું સંઘર્ષપૂર્ણ જીવન કેવું રહ્યું છે.