દેશમાં ઘણા મંદિર એવા છે જેમાં મહિલાઓના પ્રવેશ કરવા પર રોક હોય છે. તો બીજી બાજુ એક એવું મંદિર છે જ્યાં પુરુષોના પ્રવેશ પર રોક છે. આ મંદિરમાં મહિલાઓ અને કિન્નર તો જઇ શકે છે પરંતુ પુરુષોને ત્યારે પ્રવેશ મળે છે જ્યારે એ મહિલાઓના કપડામાં આવે.
કેરલના કોલ્લમ જિલ્લામાં આવેલ મંદિર શ્રી કોત્તનાકુલાંગરા દેવી મંદિર પોતાની આ ખાસ પ્રથા માટે દેશભરમાં જાણીતું છે. અહીંયા પૂજા અને પ્રવેશ કરવા માટે ઇચ્છુક પુરુષોને મહિલાઓના ડ્રેસમાં આવવું પડે છે.
આટલું જ નહીં પુરુષોને આ મંદિરમાં પ્રવેશ કરવા માટે મહિલાઓની જેમ સોલહ શૃંગાર કરવો પડે છે. શ્રી કોત્તાનકુલાંગરા દેવી મંદિરમાં દર વર્ષે ચામ્યાવિલક્કૂ તહેવાર ઊજવવામાં આવે છે જેમાં હજારો પુરુષ ભક્તો આવે છે.
એમને તૈયાર થવા માટે મંદિરમાં અલગથી મેકઅપ રૂમ બનાવવામાં આવે છે. અહીંયા માત્ર મહિલાઓની જેમ સાડી નથી પહેરતા પરંતુ શૃંગાર પણ કરે છે અને વાળમાં ગજરા પણ લગાવે છે.
આ મંદિરની એક બીજી ખાસ વાત છે કે મંદિરની ઉપર કોઇ છત નથી. આ એકમાત્ર મંદિર છે જેના ગર્ભગૃહની ઉપર છત અને કળશ નથી.
માનવામાં આવે છે કે આ મંદિરમાં દેવીની મૂર્તિ જાતે જ પ્રકટ થઇ હતી. એવું પણ કહેવામાં આવે છે કે કેટલાક લોકો પથ્થર પર નારિયેળ ફોડી રહી હતી અને એ દરમિયાન પથ્થરમાંથી લોહી નિકળવા લાગ્યું ત્યારબાદથી એ દેવીનું સ્થાન માનીને ત્યાં પૂજા કરવામાં આવી.