સુરતમાં હાહાકાર મચાવતી કોઠારી ગેંગ સામે વઘુ એક ફરિયાદ નોંધાઈ છે.કોઠારી ગેંગના મુખ્યા લાજપોર જેલમાં બંધ હોવાથી જેલમાંથી ગેંગ ચલવતા હોવાનું જણાઈ રહ્યું છે.
સુરતમાં કોઠારી ગેંગ સામે વઘુ એક ફરિયાદ નોંધાઈ
કોઠારી ગેંગના મુખ્યા લાજપોર જેલમાં છે બંધ
જેલમાંથી ગેંગને ચલવતા હોવાનું ચિત્ર થયુ સ્પષ્ટ
સુરતમાં કુખ્યાત ગણાતી કોઠારી ગેંગ વિરૂદ્ધ વઘુ એક ખંડણી માંગવાનો ગુનો રાંદેર પોલીસ સ્ટેશનમાં નોંધાયો છે. અગાઉ પણ કોઠારી ગેગ સામે ફરિયાદ નોંધાઈ છે. જેના પરિણામે કોઠારી ગેંગના મુખ્યા સાજુ કોઠારી અને તેના ભાઈ આરીફ કોઠારી લાજપોર જેલમાં બંધ છે. ઉલ્લેખનીય છે કે ગેંગના મુખ્યા જેલમાં હોવા છતા પણ ગેંગ કાર્યરત છે. ત્યારે સુરત પોલીસે સમગ્ર મામલે ફરિયાદ નોંધી વધુ તપાસ હાથ ધરી છે. માથાભારે સાજુ કોઠારી અને તેની ગેંગ સામે અવાર નવાર ખંડણીની પોલીસ ફરિયાદો સુરતમાં નોંધાઈ છે, રાંદેર પોલીસ મથકમાં કુખ્યાત કોઠારી ગેંગ સામે વધુ એક પોલીસ ફરિયાદ નોંધવા પામી છે. આરોપીઓ જેલમાંથી બહાર ગેંગ ઓપરેટ કરી રહ્યા હોવાના સ્પષ્ટ ચિત્ર સામે આવ્યું છે.
સાજુ કોઠારી ગેંગના સભ્યોએ વેપારીને આપી મારી નાંખવાની ધમકી
ગુજરાતની એક માત્ર ગેંગ એવી ગેંગ જેની પર બે વખત ગુજસીટોક હેઠળ કાર્યવાહી કરવામાં આવી છે. જેનું નામ છે કોઠારી ગેંગ. અડાજણમાં રહેતા વેપારીને અગાઉ કરેલ પોલીસ કેસમાં સમાધાન કરવા તેમજ કેસ દરમિયાન કોર્ટમાં થયેલા રૂપિયા ૨.૫૦ લાખની માંગણી કરી ઘરમાં ઘુસી જાનથી મારી નાંખવાની ધમકી સાજુ કોઠારી ગેંગના સભ્યો દ્વારા આપવામાં આવી છે, જે ના cctv પુરાવા તરીકે ફરિયાદી દ્વારા રાંદેર પોલીસને આપવામાં આવ્યા છે. વેપારી સુહેલ દ્વારા આખરે રાંદેર પોલીસ મથકમાં કુખ્યાત સાજુ કોઠારી, તેનો ગેમ્બલર ભાઈ આરીફ કોઠારી સહિત ગેંગના અન્ય સભ્યો વિરુદ્ધ ફરિયાદ નોંધાવી હતી.
રૂપિયા અઢી લાખની માંગણી કરી હતી
માથાભારે અને કુખ્યાત કોઠારી ગેંગે અદાવત રાખી સાજુ કોઠારી અને તેનો ભાઈ આરીફના ઈશારે અસગર બાગવાલા અશરફ કોઠારી અને અહદ બાગવાલા વેપારીના ઘરે પોહચી ગયા હતા અને સમાધાન કરી લે નહિ તો જાનથી જશે એવી ધમકી આપી હતી. ગત તા ૨૬ એપ્રિલથી ૩ જુલાઈ દરમિયાન ગોરાડ રોડ મલબાર હીલ્સ તથા શીતલ ચાર રસ્તા પાસે બોલાવી ફરિયાદમાં સમાધાન કરી પરત ખેંચવા તેમજ કોર્ટના કામકાજમાં થયેલા રૂપિયા અઢી લાખની માંગણી કરી હતી. તેમજ સોહેલના ઘ૨માં ઘુસી આવી ગાળાગાળી કરી જાનથી મારી નાંખવાની ધમકી આપી હતી.
સાજુ કોઠારી સામે હત્યા, અપહરણ, ખંડણી, વ્યાજ, જુગાર સહિતના અનેક ફરિયાદ
અત્રે ઉલ્લેખનીય છે કે માથાભારે સાજુ કોઠારી અને તેના ભાઈ આરીફ કોઠારી સહિત અસગર બાગવાલા,અશરફ કોઠારી અને અહદ બાગવાલા સહીત કોઠારી ગેંગએ આખા શહેરમાં કહેર મચાવ્યો હતો. પંકાયેલા માથાભારે સાજુ કોઠારી સામે હત્યા, અપહરણ, ખંડણી, વ્યાજ, જુગાર સહિતના બે નંબરના ધંધાના અનેક ગુનાઓ પોલીસ ચોપડે નોંધાયેલા છે. અવાર નવાર પોલીસ ઉપર હુમલો કરવાની ટેવ ધરાવતા માથાભારે સાજુ કોઠારીને ઝડપી પાડવા માટે ક્રાઈમ બ્રાન્ચે મોટું ઓપરેશન હાથ ધર્યું હતું. પોલીસે પહેલા સાજુ કોઠારી દ્વારા મનપાના રોડ ઉપર કબજા કરી બનાવેલ જુગારની કબલનું ડિમોલીશન કર્યું હતું. ત્યારબાદ સાજુ કોઠારીને ઝડપી પાડવા માટે બાતમીદારોનું નેટવર્ક કામે લગાડી સજજુ કોઠારીને તેના બંગ્લામાં બનાવેલ ચોરરૂમમાંથી દબોચી તેનું સરધસ કાઢ્યું હતું. રાંદેર પોલીસે તેના ભાઈ આરીફ કોઠારીની રાંદેર શીતલ ટોકીઝ પાસે આવેલ જુગારની કલબ ઉપર બુલડોઝર ફેરવી જમીનદોસ્ત કરી નાંખ્યું હતું. પરંતુ આ કુખ્યાત ગેંગ જેલની અંદર બેઠા બેઠા પણ ઓપરેટ કરી રહ્યા હોવાનું સ્પષ્ટ દેખાઈ રહ્યું છે આ નવી ફરિયાદના આધારે
સજ્જુ કોઠારી સામે બે-બે વખત ગુજસીટોકના ગુના નોંધાયા
ગુજરાતમાં સજ્જુ કોઠારી પહેલો એવો આરોપી છે જેની સામે એક નહિ પરંતુ બે-બે ગુજસીટોકના ગુના નોંધાયા છે. પહેલીવાર ગુનો નોંધાયા બાદ પોલીસે તેને ઝડપી લાજપોર જેલ મોકલી આપ્યો હતો. પરંતુ લાજપોર જેલથી જામીન પર છૂટ્યા બાદ કોઠારી ફરાર થઇ ગયો હતો. બાદમાં તેણે ફરીથી ખંડણી ઉઘરાવવાનું શરુ રાખ્યું હતું. જેથી સુરત ક્રાઇમ બ્રાન્ચની ટીમે તેની સામે બીજી વાર ગુજસીટોક હેઠળ ગુનો દાખલ કર્યો હતો. તેનો ભાઈ પણ સાથે જ લાજપોર જેલમાં બંધ છે. હાલમાં એવી માંગ ઉઠી છે કે સાજુ કોઠારી ગેંગના જેલમાં બંધ સભ્યોને રાજ્યની અલગ અલગ જેલમાં ખસેડવામાં તો જ આ ગેંગનું નેટવર્ક તૂટી શકે છે.