પશ્ચિમ બંગાળની રાજધાની કોલકાતા અદ્ભુત દ્રશ્ય જોવા મળ્યું. ભારતની બીજી યાત્રા પર ગયેલી રોબોટ સોફિયાની પહેલી પ્રેસ કોન્ફ્રેંસ યોજાઈ હતી.જ્યાં તે 65 દેશોની મુલાકાત લીધા પછી આવી હતી. પરંપરાગત લાલ અને સફેદ બંગાળી સાડીમાં સજ્જ સોફિયાને કોલકાતાના નઝરુલમંચ ઓડિટોરિયમમાં આવકારવામાં આવી હતી. સોફિયા, વિશ્વનો પ્રથમ રોબોટ નાગરિક અથવા હ્યુમનોઇડ રોબોટ છે. સોફિયાની રચના ચાર વર્ષ પહેલાં હોંગકોંગ સ્થિત એક પ્રયોગશાળામાં કરવામાં આવી હતી. તે હ્યુમનોઇડ સાઉદી અરેબિયન નાગરિકત્વ ધરાવે છે.
વિશ્વનો પ્રથમ રોબોટ નાગરિક અથવા હ્યુમનોઇડ રોબોટ છે
શાહિન બાગ, CAA અને NRC બાબતે જવાબ આપ્યા નહી
ટેકનોલોજી, તબીબી ક્ષેત્ર અને કોરોનાવાયરસ પર વાત કરી
કોન્ફરન્સ દરમિયાન પત્રકારો તરફથી રોબોટ સોફીયાને શાહિન બાગ, CAA અને NRC થી જોડાયેલા સવાલો કરવામાં આવ્યા હતા. આ સવાલોના કારણે રોબોટ સોફિયા પણ મુંજવણમાં આવી ગઈ હતી. આ વિશે સોફિયાએ સીધા જવાબ આપ્યા ના હતા અને કોન્ફરન્સ યોજનારાઓએ રાજકીય મુદાઓ પર વાત કરવાની મનાઈ કરતા સોફિયાએ બીજા વિષયો પર વાતો કરી હતી.
ટેકનોલોજી, તબીબી ક્ષેત્રના નિષ્ણાતો સાથે વાતો કરી
જ્યાં તેણીએ એન્જિનિયરિંગના વિદ્યાર્થીઓ, શહેરની વિવિધ યુનિવર્સિટીના પ્રોફેસરો અને ટેકનોલોજી અને તબીબી ક્ષેત્રના નિષ્ણાતો સાથે જોરદાર વાતો કરી હતી. જેમાં ધ ફ્રી પ્રેસ જર્નલના એક રિપોર્ટમાં કહેવામાં આવ્યું છે કે સોફિયાને તબીબી વ્યવસાયિકો દ્વારા પૂછવામાં આવ્યું હતું કે, શું તે એક દિવસ શસ્ત્રક્રિયા કરી શકશે? "કેમ નહીં? રોબોટ સૂચવે છે. તે ડોકટરોને દૂરસ્થ શસ્ત્રક્રિયા કરવામાં મદદ કરી શકે છે.
પરીક્ષાની સિઝન ચાલી રહી હોવાથી, સોફિયાએ વિદ્યાર્થીઓ સાથે વાતચીત કરતી વખતે તેમને . ફક્ત યાદ રાખવાની ટેવ પર ભરોસો રાખવો નહી સખત અભ્યાસ કરવાનું કહ્યું હતું.
કોરોનાવાયરસ વિશે પણ વાત કરી
સોફિયાએ જણાવ્યું હતું કે, રસી બનાવવા માટે એઆઈ (આર્ટિફિશિયલ ઇન્ટેલિજન્સ) નો ઉપયોગ પહેલાથી કરવામાં આવી રહ્યો છે. કેન્સરની સારવાર અને ઇલાજની વાત કરીએ તો સોફિયાએ જણાવ્યું કે કેન્સરના કોષોના કેટલાક પ્રગતિશીલ પગલાં વૃદ્ધિને દૂર કરી શકે છે. તેની તપાસ કરવા સંશોધન ચાલી રહ્યું છે.