કોરોના વાયરસ / હવે આવી ગયું છે આ ખાસ માસ્ક : જમતી વખતે પણ હટાવવાની જરૂર નહીં

• શોપ ઓનર સંક્રમણ રોકવા માટે નવી નવી રીતો અપનાવી રહ્યા છે
• કોલકાતામાં રેસ્ટોરાં આપી રહી છે ઝિપવાળું માસ્ક 
• સોશિયલ મીડિયા પર તેની તસવીર વાઇરલ થઇ રહી છે

અનલોક બાદ ધીમે ધીમે રેસ્ટોરાં અને ફૂડ કેફેમાં લોકોની ભીડ વધવા લાગી છે. શોપ ઓનર સંક્રમણ રોકવા માટે નવી નવી રીતો અપનાવી રહ્યા છે. તેનું  એક ઉદાહરણ છે ઝિપવાળ‍ું માસ્ક. કોલકાતામાં એક રેસ્ટોરાં પોતાના ગ્રાહકોને એવું માસ્ક આપી રહી છે, જેમાં ઝિપ લાગેલી છે. સોશિયલ મીડિયા પર તેની તસવીર વાઇરલ થઇ રહી છે. 

West Bengal: A restaurant in Kolkata is providing its customers with masks that have zips attached to them.

Owner of the restaurant says, "We're providing it to customers without any extra charges. However, it is not mandatory, they can wear it if they want to." #COVID19 pic.twitter.com/FQnhpak2fx

— ANI (@ANI) October 18, 2020

ઝિપ માસ્કની ખાસિયત એ છે કે જમતી વખતે તમારે માસ્ક હટાવવું પડતું નથી. જમતી વખતે તમારે ફક્ત ઝિપ ખોલવાની હોય છે. જમી લીધા બાદ ઝિપ બંધ કરી દેવી પડે છે. આ માસ્ક રેસ્ટોરાંમાં આવતા કસ્ટમર્સને ફ્રીમાં આપવામાં આવે છે. રેસ્ટોરાંમા માલિક સોમોશ્રી સેન ગુપ્તાનું કહેવુ છે કે તેઓ કોઇ પણ ચાર્જ વગર ગ્રાહકોને ઝિપવાળાં માસ્ક આપી રહ્યા છે. તે ફરજિયાત નથી. 

જો ગ્રાહકો તે માસ્ક લગાવવા ઇચ્છે તો લગાવી શકે છે, નહીં તો ના પણ પાડી શકે છે.  લોકોને ઘાતક કોરોના વાઈરસના સંક્રમણથી સુરક્ષિત રાખવા માટે આ માસ્ક તૈયાર કરાયાં છે. જોકે આ માસ્કની સોશિયલ મીડિયામાં  ટીકાઓ થઇ છે. લોકો કહી રહ્યા છે કે આ માસ્ક બનાવવામાં ડબ્લ્યુએચઓની ગાઇડલાઇનનું પાલન કરાયું નથી.