બંગાળમાં હેવાનિયત / દારુ પીતાં પીતાં જોઈ અશ્લિલ ફિલ્મ, પછી કર્યો લેડી ડોક્ટરનો ઘાતકી રેપ-મર્ડર, સનસનીખેજ ખુલાસાં

કોલકાતામાં નિર્ભયા જેવો ભયાનક કાંડ સામે આવ્યો જે સાંભળીને કાળજું કંપી જાય તેવો છે. 31 વર્ષીય લેડી ડોક્ટર મોમિતા દેબનાથના ઘાતકી રેપ અને મર્ડરમાં આરોપીની પૂછપરછ, સંજોગોવશાત્ પુરાવા અને સીસીટીવી ફૂટેજના આધારે ભયાનક ખુલાસા થયા છે. આ ભયાનક હત્યાકાંડને અંજામ આપનાર આરોપીનું નામ સંજય રોય છે જે સિવિલ વોલિન્ટિયર છે જેણે પરોઢિયે 4 વાગ્યે આ ભયાનક હત્યાકાંડ આચર્યો હતો જ્યારે લેડી ડોક્ટર હોસ્પિટલના ઈમરજન્સી વોર્ડના સેમિનાર હોલમાં સુઈ રહી હતી.

વિકૃત માનસિકતા અને પોર્ન જોવાની ટેવ

પોલીસ સૂત્રોનું કહેવું છે કે આરોપી ગુનેગાર સંજય રોયને દારૂ પીને અશ્લીલ ફિલ્મો જોવાનું વ્યસન હતું. ઘટનાની રાત્રે તે ઘણી વખત હોસ્પિટલની અંદર આવ્યો હતો. શુક્રવારે રાત્રે 11 વાગ્યે આરોપી સંજય રોય દારૂ પીવા માટે હોસ્પિટલ પાછળ તેના ઘરે ગયો હતો. ત્યાં તેણે દારૂ પીને પોર્ન ફિલ્મો જોવાનું શરૂ કર્યું. આરોપી સંજય રોય વિકૃત માનસિકતાવાળો છે કારણ કે તે પોતાના મોબાઈલમાં જે પ્રકારની પોર્ન ફિલ્મો જોતો હતો તે લોકો સામાન્ય રીતે જોતા નથી.

ચાર લગ્ન કર્યાં, ચોવીસ કલાક નશામાં

આરોપી સંજય રોયે ચાર લગ્ન કર્યાં હોવાનું પણ સામે આવ્યું છે. પહેલી 3 પત્નીઓ તેની હરકતોથી કંટાળીને ભાગી ગઈ હતી જ્યારે ચોથી પત્નીનું ગત વર્ષે કેન્સરને કારણે મોત થયું હતું. પડોશીઓએ કહ્યું કે સંજય નશેડી છે અને ચોવીસ કલાક નશામાં જ રહે છે.

લેડી ડોક્ટર સાથે હેવાનિયત બાદ બેરેકમાં સુઈ ગયો, ઝડપાયો ત્યારે પૂરો નશામાં

સીસીટીવી ફૂટેજમાં એ પણ જોવા મળે છે કે આરોપી સવારે લગભગ 4.45 વાગે સેમિનાર રૂમમાંથી બહાર આવ્યો હતો. આ પછી તે ચોથી બટાલિયનની બેરેકમાં જઈને સૂઈ ગયો. પોલીસે તેની એ જ બેરેકમાંથી ધરપકડ કરી હતી. ધરપકડ સમયે પણ તે પૂરો નશામાં હતો.

સેમિનાર હોલમાં સુતેલી ડોક્ટર પર યૌન હુમલો

એક પોલીસ અધિકારીએ કહ્યું કે પુરાવા છે કે ડોક્ટર જ્યારે હોસ્પિટલના સેમિનાર હોલમાં સુઈ રહ્યાં હતા ત્યારે આરોપી સંજય રોય ત્યાં આવ્યો હતો. ડોક્ટરે પ્રતિકાર કર્યો હતો પરંતુ આરોપીએ તેને ગૂંગળાવી મારી. ડોક્ટર મરી ગઈ છે કે નહીં તે જાણવા માટે સંજય રોતે તેમને ફરી ગૂંગળાવી નાખ્યાં હતા. એવી પણ સંભાવના છે કે મર્ડર બાદ આરોપીએ ડોક્ટરનો મોડે સુધી રેપ કર્યો હતો. શુક્રવારે રાતે આ ઘટના બની હતી. પોલીસ અધિકારીએ એવું પણ કહ્યું કે સંજોગો એવું સૂચવે છે કે આરોપએ પહેલા ડોક્ટરની હત્યા કરી હતી ત્યાર બાદ રેપ કર્યો હતો.

વધુ વાંચો : આ નરાધમ ! સુતેલી લેડી ડોક્ટરનું ગળું દબાવીને મોડે સુધી કર્યો રેપ, કાળજું કંપાવતો કાંડ

લેડી ડોક્ટરના પોસ્ટ મોર્ટમ રિપોર્ટમાં શું?

શુક્રવારે રાતે કોલકાતાની આરજી કાર મેડિકલ કોલેજના ત્રીજા માળે સેમિનાર હોલની અંદર શુક્રવારે સવારે એક તાલીમાર્થી મહિલા ડૉક્ટર રહસ્યમય સંજોગોમાં મૃત હાલતમાં મળી આવી હતી. તે મેડિકલ કોલેજમાં જ પીજીના બીજા વર્ષમાં અભ્યાસ કરતી હતી. પોસ્ટમોર્ટમ રિપોર્ટમાં મહિલા ડોક્ટરના શરીરના ઘણા ભાગો પર ઈજાના નિશાન જોવા મળ્યા હતા. તેની આંખો અને મોં બંનેમાંથી લોહી વહી રહ્યું હતું, તેના ચહેરા પર ઇજાઓ અને નખ હતા. પીડિતાના પ્રાઈવેટ પાર્ટમાંથી પણ લોહી નીકળતું હતું. તેના પેટ, ડાબા પગ, ગરદન, જમણા હાથ અને નાની આંગળી અને હોઠ પર પણ ઈજાઓ થઈ હતી. તેના ગળાનું હાડકું પણ તૂટેલું જોવા મળ્યું હતું.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ